Abalewi 7:31 - Bibliya Yera 1951 1967 (Burundi)

³¹ Maz’ ivyo binure umuherezi az’ avyosereze ku gicaniro; arikw inkoro ibe umwanya wa Aroni n’abana biwe.

Abalewi 7:31 ပူးပေါင်းရင်းမြစ်များ

Kuvayo 29:26

Kandi wābīre inkoro y’iyo mpfizi y’ intama yo kwinjiza Aroni mur’ iryo bango, uyizunguze, ibe ishikanwa rizungurijwe imbere yanje; iyo izoba umwanya wawe.

Abalewi 3:11

Umuherezi aheze avyosereze ku gicaniro: ivyo bizoba bibaye imfungurwa nshikaniwe jewe Uhoraho, zitōngōrwa n’umuriro.

Abalewi 3:16

Umuherezi aheze avyosereze ku gicaniro: ivyo bizoba bibaye imfungurwa, ari ryo shikanwa ritōngōrwa n’umuriro, ngo ribe umubabge umota neza; ibinure vyose bizoba ivyanje.

Abalewi 3:5

Bene Aroni baheze bavyosereze ku gicaniro, babigeretse ku kimazi coswa kiri ku nkwi ziri ku muriro: ivyo bizoba ikimazi gitōngōrwa n’umuriro, umubabge ummotera neza.

Abalewi 5:13

Nuk’ uwo muherezi azoba amuhongeye ku caha yakoze ic’ ari co cose muri vya bindi bidōnzwe, na we azoharirwa: ifu isigaye iz’ ibe iy’ umuherezi, nk’uko bisanzwe biba kw ishikanwa rindi ry’amafu.

Abalewi 6:16

Ibisigaye kuri vyo Aroni n’abana biwe babirye, babirye bitambiwe, babirīre ahantu hēra, mu rugo rw’ihema ry’ibonaniro abe ari ho babirīra.

Abalewi 6:26

Umuherezi ahereje ico kimazi co gutangirwa ivyaha az’ abe ari we akirya: kize kirīwe ahantu hēra, ni ho mu rugo rw’ihema ry’ibonaniro.

Abalewi 7:34

Kuko ya nkoro ishikanishwa kuzunguzwa, na ca gikenye c’ukuguru kigerewe abaherezi, mbishinguye ku bimazi vy’Abisirayeli vy’ishimwe, mbihaye Aroni umuherezi, n’abana biwe, kuba umuturi bazohora bashingura mu Bisirayeli ibihe vyose.

Abalewi 8:29

Maze Mose yābīra inkoro, arayizunguza ngw ibe ishikanwa rizungurijwe imbere y’Uhoraho: uwo war’ umwanya wa Mose wo kur’ iyo mpfizi y’intama yo kubinjiza mw ibango, nk’uk’ Uhoraho yari yaramubariye.

Guharūra 18:11

Ibi na vyo nyene n’ivyawe mu mashikanwa yose ngerewe bazonshikanira: ivyo Abisirayeli bazoshikana vyose bizunguzwa, ndabiguhaye, mwe n’abahungu bawe n’abakobga bawe, bibe umuturi wanyu w’intahava: ūdahumanye wese wo mu b’inzu yawe yemererwa kubiryako.

Guharūra 18:18

Inyama zazo zize zibe umwanya wawe, nk’ukw inkoro yo kuzunguzwa bo n’igikenye c’ukuguru kw’i buryo ar’ umwanya wawe.

1 Korinto 9:13

Ntimuzi yukw abakora ibikorwa vy’ivyera barya ivy’ urusengero, kand’ abakora ivy’ igicaniro basangira n’igicaniro?

Gusubira mu Vyagezwe 18:3

Uyu az’ abe ari wo uba umwanya w’abaherezi abantu bakwiye kuzohora babakūrira: ūtanze ikimazi, ar’ inka cank’ intama, az’ ahore akūrira umuherezi igikenye c’ukuboko, n’imisaya yompi, n’ umushīshīto.