Abalewi 7:16 - Bibliya Yera 1951 1967 (Burundi)

¹⁶ Arikw ico kimazi ashikanye, ni caba ico gushitsa isezerano, cank’ ico ashikanye kukw avyigombeye, kize kiribge ku musi agitanzeko; izizorāra kuri co zize ziribge bukeye bgaho.

Abalewi 7:16 ပူးပေါင်းရင်းမြစ်များ

Zaburi 116:14

Uhoraho nzomushitsakw amasezerano yanje, Mbere nzoyashitsa mu maso y’abantu biwe bose.

Zaburi 116:18

Uhoraho nzomushitsakw amasezerano yanje; Mbere nzoyashitsa mu maso y’abantu biwe bose;

Zaburi 66:13

Ndinjirana ibimazi vyoshejwe mu ngoro yawe, Ndagushitsakw amasezerano yanje,

Kuvayo 35:29

Nukw abagabo n’abagore bose b’Abisirayeli bemejwe n’imitima yabo kugira ico bazana cose co gukoresha igikorwa Uhoraho yabariye Mose gukora, babizanakw amashikanwa avuye ku mitima ikunze, babishikanira Uhoraho.

Imigani 7:14

Ati Nari nsanzwe nkwiye gutanga ikimazi c’ishimwe: Non’ uyu musi nashikije ivyo nasezeranye.

EZEKIYELI 46:12

Kandi segaba, igihe azotanga ikimazi avyigombeye, ar’ ikimazi co kwoswa cank’ ar’ ibimazi vy’ishimwe, abitanze k’Uhoraho avyigombeye, haze hagire ūmujishurira ikirimba kirābana n’i burasirazuba, atange ikimazi ciwe co kwoswa n’ibimazi vyiwe vy’ishimwe, nk’ukw asanzwe abikora ku musi w’isabato, aheze agende; amaze kugenda hagire ūjisha ico kirimba.

Abalewi 22:23

Ishuri cank’ umwana w’intama, hagize igifise urugingo rutareha n’izindi, umuntu aremererwa kugitanga kw ishikanwa ashikanye avyigombeye; ariko nticokwemerwa kuba ishikanwa ryo gushitsa isezerano yasezeranye.

Abalewi 22:29

Kandi ni mwampa ikimazi co gukenguruka, mugitange uburyo butuma mwemerwa.

Abalewi 23:38

kand’ ivyo ntibikwiye kubabuza kwitondera amasabato yanje, canke gushikana amashikanwa yanyu, canke gushikana ayo gushitsa amasezerano yose mwasezeranye, canke kunshikanira ivyo mutanze vyose muvyigombeye.

Nahumu 1:15

Rāba ku misozi ibirenge vy’ ūzanye inkuru nziza, akāmāmaza ivy’ amahoro! Buyuda we, ni witondere imisi mikuru yawe, ushitse amasezerano yawe: kuk’ umunyakibi atazosubira guca hagati muri wewe: arahenebereye rwose.

Guharūra 15:3

bakagomba kumpa ibimazi, jewe Uhoraho, vyo gutōngōrwa n’umuriro bakūye mu masho canke mu mikuku, ar’ ivyo kwoswa, ar’ ivyo gushitsa isezerano, ar’ ivyo batanze bavyigombeye, cank’ ar’ ivyo ku misi mikuru yanyu yashinzwe, ngo bibe umubabge ummotera neza jewe Uhoraho,

Gusubira mu Vyagezwe 12:11

maz’ ahantu Uhoraho Imana yanyu azotoranya ngw ahashire izina ryiwe ngo rihabe, az’ abe ari ho mujana ivyo mbagera vyose; ibimazi vyanyu vyo kwoswa, n’ ibimazi vyanyu bindi, n’ibigiracumi vyanyu mutanga, n’amashikanwa yanyu mumugereye, n’ ivy’ indobanurwa vyo gushitsa amasezerano mwasezeraniye Uhoraho;

Gusubira mu Vyagezwe 12:17

Arikw ibigiracumi vyo mu masaka yanyu n’ivya vino zanyu n’ivy’ amavuta yanyu ya elayo, n’iz’ uburiza bgo mu masho yanyu no mu mikuku yanyu, n’ico muzanye gushitsa isezerano ic’ ari co cose, n’ivyo muzotanga muvyigombeye, n’amashikanwa muzoba mumugereye, ivyo vyose ntimuze mubirīre i muhira.

Gusubira mu Vyagezwe 12:26

Mugabo, ivyera mushikana, bo n’ivyo mushikisha amasezerano, muze mubijane ha hantu Uhoraho azoba yātoranije;

Gusubira mu Vyagezwe 12:6

Kand’ az’ abe ari ho mujana ibimazi vyanyu vyo kwoswa n’ibimazi vyanyu bindi, n’ibigiracumi vyanyu mutanga, n’amashikanwa yanyu mumugereye, n’ayo gushitsa amasezerano, n’ayo mutanga muvyigombeye, n’iz’ uburiza zo mu masho yanyu no mu mikuku yanyu;