Abalewi 6:4 - Bibliya Yera 1951 1967 (Burundi)

⁴ iy’ akoze ico caha, akumva kw atsinzwe, az’ arihe ico yambuye, cank’ ico yaronkeshejwe n’agahahazo, cank’ ico yabikijwe, cank’ icari cazimiye yatoye,

Abalewi 6:4 ပူးပေါင်းရင်းမြစ်များ

Itanguriro 21:25

Maze Aburahamu ahishuka Abimeleki ku vy’iriba ry’amazi abantu ba Abimeleki bamunyaze ku manyama.

Nehemiya 5:11

Mber’ uyu musi mubasubize amatongo yabo, n’imirima yabo y’imizabibu n’imyelayo, n’amazu yabo; mubasubize na ca gice c’ijana c’amahera n’ic’ impeke n’ica vino n’ic’ amavuta ya elayo, ivyo mwābātse kw inyungu.

Yobu 20:19

Kuko yahahaje aboro, akabīrengagiza; Yinjiye urugo atubatse.

Yobu 24:2

Har’ abashingūra akarimbi k’ urubibe, Bakanyaga imikuku ku manyama bakayīragirira.

Yesaya 59:6

Ivyo bājishe butangurirwa ntibizovamw’ imyambaro, kandi ntibazoshobora kwipfuka ibikorwa vyabo; ibikorwa vyabo n’ ibikorwa vy’ubugāba, ibikorwa vy’ umuryano biri mu maboko yabo.

EZEKIYELI 18:12

akagunga impahazwa n’umukene, akanyaga ku gahahazo, akima ingwati nyeneyo, akunamurira amaso ibigirwamana, kand’ agakora ibizira,

EZEKIYELI 18:18

Ariko se wiwe, kuko yahahaza cane, akanyaga mugenzi we ku gahahazo, agakora ibitaroranye mu bgoko bgabo, uyo ni we azopfa azize ibigabitanyo vyiwe.

EZEKIYELI 18:7

atāgize uwo agunga, arikw akaba yarashubije ingwati nyeneyo; atāgize uwo anyaga ku gahahazo, arikw akaba yaragaburiye ūshonje, akambika impuzu uwambaye ubusa;

EZEKIYELI 33:15

uwo munyavyaha agasubiza ingwati nyeneyo, akagarukana ivyo yambuye, akagendera mu vyagezwe bihesha ubugingo, ntagire ivy’ ukugabitanya akora, n’ukuri azobaho, ntazopfa.

EZEKIYELI 44:19

Kandi ni basohoka bagashika mu ntangaro, ngo bēgēre abantu bariyo, baze babanze biyambure imyambaro iyo bambara bahereza, bayibīke mu vyumba vyera; maze bambare iyindi myambaro kugira ngo boye kwezesha abantu imyambaro yabo.

Abalewi 24:18

ūzokubita igitunzwe, akacica, az’ akirihe: igifise ubugingo kirihwe ikindi.

Abalewi 24:21

Ūzokwica igitunzwe akirihe; ūzokwica umuntu na we yicwe.

Abalewi 4:12

ivy’ iyo masa vyose iyo biva bikagera, abijane inyuma y’aho mushagaje, ahantu hadahumanye, aho basēsa umunyota, abigereke ku nkwi, abiturire; ah’ umunyota usēswa abe ari ho bituririrwa.

Amosi 3:10

Kuko batazi gukora ibitunganye, ni k’Uhoraho agize, birundaniriza umuryano n’ubgambuzi mu ngoro zabo.

Mika 2:2

Bifuza amatongo bakayanyaga, n’amazu bakayikumirako; bagahahaza umuntu n’abo mu nzu yiwe, mber’ umuntu bamuhahazanya n’ishamvu yiwe.

Zefaniya 1:9

Kur’ uwo musi nzohana abasimba urwinjiriro rw’urusengero bose, bakuzuza inzu ya shebuja umuryano n’uruhendo.

Malaki 1:13

Ikindi muvuga, mut’ Ewe miruho turimwo! kandi muravyimyoza, ni k’Uhoraho Nyen’ ingabo agize; kandi muzana ico munyaze, n’igicumbagira n’ikirwaye: uko ni ko muzana amashikanwa. Mbega ben’ ayo mashikanwa noyemera? ni k’Uhoraho abaza.

Guharūra 5:7

aze yature icaha yakoze, arihe n’ico kintu uko kingana, camukwegeye gutsindwa, kand’ akigerekeko n’ikingana n’ikigira gatanu caco, akirihe uwo yagiriye nabi.