Abalewi 26:9 - Bibliya Yera 1951 1967 (Burundi)

⁹ Nzokwama mbashizek’ umutima, mbarōndōre, mbagwize, nkomeze isezerano ryanje namwe.

Abalewi 26:9 ပူးပေါင်းရင်းမြစ်များ

Itanguriro 1:28

Maz’ Imana irabahezagira, iti Ni murondoke, mugwire, mwuzure isi muyiganze; mugabe amafi yo mu kiyaga, n’ibiguruka mu kirere, n’ibifise ubugingo vyose bigendagenda kw isi.

Itanguriro 17:20

Kandi no ku vya Ishimayeli ndakwumviye: rāba ndamuhaye umugisha, kandi nzomuha kurondoka, ndamugwize cane; azovyara abatware cumi na babiri, kandi nzomuhindura ubgoko bukomeye.

Itanguriro 22:17

eka mbere no kuguha umugisha nzowuguha, kandi no kugwiza nzogwiza uruvyaro rwawe, rungane n’inyenyeri zo kw ijuru, canke n’umusenyi wo mw isēsero ry’ikiyaga; kandi ruzokwegukira amarembo y’abansi barwo;

Itanguriro 26:4

nzogwiza uruvyaro rwawe, rungane n’inyenyeri zo kw ijuru, kand’ uruvyaro rwawe nzoruha ibi bihugu vyose; kandi mu ruvyaro rwawe ni ho amahanga yose yo mw isi azohērwa umugisha;

Itanguriro 28:14

kand’ uruvyaro rwawe ruzongana n’umukungugu wo hasi, ruzogasāra i burengerazuba n’i burasirazuba n’i burārūko n’i bumanuko: kandi muri wewe no mu ruvyaro rwawe ni ho imiryango yose yo mw isi izohērwa umugisha.

Itanguriro 28:3

Kand’ Imana Ishobora vyose iguhe umugisha, iguhe kurondoka, ikugwize, kugira ng’uhindukemw’ isinzi ry’amahanga.

Itanguriro 48:4

irambarira, it’ Ehe nzokurondora, nkugwize, nguhindure igugu ry’amahanga; kand’ iki gihugu nzogiha uruvyaro rwawe ruzogukurikira, kibe ishamvu yarwo ibihe vyose.

Itanguriro 6:18

Ariko nzoshinga isezerano nzogusezeranira: uzokwinjirana mur’ubgo bgato n’ abana bawe n’umugore n’abakazana bawe.

1 Abami 3:8

Kandi jewe umusavyi wawe ndi hagati mu bantu bawe watoranije, ihanga rihambaye, ritoharūrika canke ngo rimenywe ubginshi bgaryo.

2 Abami 13:23

Arik’ Uhoraho bamutera akagongwe, abagirira imbabazi, abasubizak’ umutima kubg’ isezerano yasezeraniye Aburahamu na Isaka na Yakobo, ntiyabarandura; no kugeza n’ubu ntiyabaciye.

Nehemiya 2:20

Nanje ndabishura, nt’ Imana yo mw ijuru ni yo izotuma bikunda, ni co gituma twebge abasavyi bayo dushirako tukubaka; ariko mweho nta mugabane, nta bubasha, nta n’icibutso mufise i Yerusalemu.

Nehemiya 9:23

Wagwije abana babo bangana n’inyenyeri zo kw ijuru, ubashira mu gihugu wabariye ba sekuruza babo ngo bacinjire bacegukire.

Zaburi 107:38

Akabaha umugisha, bakagwira cane, Ntakundira inka zabo ko zikeha.

Zaburi 89:3

Nasezeranye isezerano n’uwo natoranije, Narahiye Dawidi umusavyi wanje,

Kuvayo 1:7

Abisirayeli bararondoka, baravyara cane, baragwira, baba igisata; buzura ico gihugu.

Kuvayo 2:25

Imana yitegereza Abisirayeli, ibona uko bameze.

Kuvayo 6:4

Kandi nakomeje isezerano ryanje na bo, ko nzobaha igihugu c’i Kanani, igihugu bābayemw’ ar’ inyambukīra.

Yesaya 55:3

Mutege amatwi, muze kuri jewe; munyumve, ni ho ubugingo bganyu buzobaho; nanje nzosezerana namwe isezerano ritazoshira, ni ryo mbabazi Dawidi yasezeraniwe zitazovaho.

Yeremiya 23:3

Kandi nzokoraniriza hamwe amasigarira y’ umukuku wanje, ndazikūre mu bihugu vyose aho nazirukaniye, ndazigarukane ukundi gusha mu mpongore zazo; zizorondoka zigwire.

Yeremiya 23:4

Kandi nzoshira abungere kuri zo, baziragire: ntizizoba zikigira ubgoba ukundi, canke ngo zihagarike imitima, kandi ntihazotākara n’imwe muri zo, ni jewe Uhoraho mbivuze.

Yeremiya 33:3

ati Mpamagara, nanje ndakwitaba, nkwereke ibihambaye n’ivyikinze, ivy’ utaribgamenye.

EZEKIYELI 16:62

Nuko nzogushirirah’ isezerano ryanje, maz’ uzomenya yuko jewe nd’ Uhoraho:

EZEKIYELI 36:9

Ehe mpagaze mu ruhande rwanyu, ngira mbahindukirire, kandi muzorimwa mubibgeko.

Abalewi 26:15

kandi ni mwagaya amabgirizwa yanje, mukazinukwa ivyo nashinze, bigatuma mutitondera ivyagezwe vyanje vyose, mukica isezerano ryanje;

Luka 1:72

Kand’ igirire ba sogokuruza imbabazi, Yibuke isezerano ryayo ryera,

Gusubira mu Vyagezwe 28:11

Uhoraho azobasesekariza ivyiza, agwize uruvyaro rwo mu nda zanyu, n’urwo mu masho yanyu, n’ imirima yo mu ndimiro zanyu, mu gihugu yarahiye ba sogokuruza banyu kw azokibaha.

Gusubira mu Vyagezwe 28:4

Uruvyaro rwo mu nda zanyu ruzohezagirwa, bo n’ imirima yo mu ndimiro zanyu, n’uruvyaro rw’amasho yanyu, inka zanyu zirondoke, bo n’imikuku yanyu.

Gusubira mu Vyagezwe 7:13

azobakunda, abahe umugisha, abagwize; azohezagira uruvyaro rwo mu nda zanyu, n’imirima yo mu ndimiro zanyu, n’amasaka na vino n’amavuta ya elayo, n’ukugwira kw’ inka zanyu n’ukw’ imikuku yanyu, abihezagirire mu gihugu yarahiye ba sogokuruza banyu kw azokibaha.

Abaheburayo 8:9

Ridahwanye n’isezerano nasezeranye na ba sekuruza, Ku musi nabafata ukuboko nkabakūra mu gihugu ca Egiputa, Kuko batāgumye mw isezerano ryanje, Nanje sinabababara, ni jewe Uhoraho mbivuze.