Abalewi 26:7 - Bibliya Yera 1951 1967 (Burundi)

⁷ Muzokinagiza abansi banyu, bahindikiranywe n’inkota imbere yanyu.

Abalewi 26:7 ပူးပေါင်းရင်းမြစ်များ

1 Ivyo ku Ngoma 19:15

Maz’ Abamoni babonye Abasiriya bahunze, na bo bahunga Abishayi murumuna we, bīsuka mu gisagara. Nuko Yowabu asubira i Yerusalemu.

Esiteri 9:16

Kand’ abandi Bayuda bāri mu bihugu umwami aganza birema inteko, barirwanira, bica mu babisha ibihumbi mirongwirindwi na bitanu; baraheza baruhuka abansi babo. Ariko ntibākojeje ukuboko kwabo kw isahu.

Zaburi 81:15

Abansi b’Uhoraho bakamwunamira bamuhema: Ariko ba bandi bakaramba ibihe vyose.

Abalewi 26:36

Amasigarira yo muri mwebge nzotuma barandukira imitima mu gihugu c’abansi babo: bazokangwa n’ ukwumva akababi gakakaje, bahunge nk’ūhunga inkota; bazotemba ata kibirukanye.

Abalewi 26:6

Kandi nzoha ico gihugu kugira impore, muzokwiryamira ata kibateye akōba: kandi nzohaherengeteza ibikōko vy’inkazi, kandi nta nkota izogera mu gihugu canyu.

Abalewi 26:8

Batanu muri mwebge bazokinagiza ijana, n’ijana muri mwebge bazokinagiza ibihumbi cumi, abansi banyu bazohindikiranywa n’ inkota imbere yanyu.

Gusubira mu Vyagezwe 28:7

Uhoraho azotuma abansi banyu babakūriye hasi batsindirwa imbere yanyu: bazozanana inzira imwe babateye, babahunge baciye mu nzira ndwi.

Gusubira mu Vyagezwe 32:30

Umwe yoshoboye ate gukinagiza igihumbi, Na babiri kwirukana ibihumbi cumi, Iyo ca Gitandara cabo atabagura, Iy’ Uhoraho atabagabura?

Yosuwa 23:10

arik’ umwe muri mwebge akinagiza abantu igihumbi, kuk’ Uhoraho Imana yanyu ari we abarwanira, nk’uko yababgiye.

Abacamanza 15:15

Abona urwāsaya rw’indogoba rutarūma, atuma ukuboko araruraha, arwicisha abantu igihumbi.

Abacamanza 4:16

Ariko Baraki yōma inyuma y’iyo mikogote n’izo ngabo, barinda bashika i Harosheti‐ha‐goyimu; ingabo za Sisera zose zishirira ku nkota, ntihasigara n’uwa kirazira.

Abacamanza 7:23

Batabaza Abisirayeli bo mu Banafutali n’abo mu Basheri n’abo mu Bamanase bose, bōma inyuma y’Abamidiyani.

1 Samweli 14:13

Nuko Yonatani aharāmba yāvūra, n’ūmutwaje ibirwanishwa ar’ inyuma yiwe. Ba Bafilisitiya Yonatani arabahindikiranya, bagwa imbere yiwe, n’ūmutwaje ibirwanishwa agenda arabahohosha inyuma yiwe.