Abalewi 26:4 - Bibliya Yera 1951 1967 (Burundi)

⁴ nuko nanje nzogenda mbarekurira imvura mu bihe vyayo, n’ igihugu kizogenda cimbuka ivyimburo vyaco, n’ibiti vyo mu ndimiro bizokwama bitengengere.

Abalewi 26:4 ပူးပေါင်းရင်းမြစ်များ

1 Abami 17:1

Bukeye Eliya w’i Tishubi, umwe mu bāgerereye i Gileyadi, aragenda abarira Ahabu, ati Ndahiye uguhoraho kw’Uhoraho, Imana y’Abisirayeli, ari we nyene nsavye, yukw ata kime kizotonda cank’ imvura ngw ikoroke mur’ iyi myaka, atari jewe mbivuze.

Yobu 5:10

Ni yo irekurira imvura kw isi, Igakwiza amazi mu ndimiro;

Zaburi 104:13

Imisozi uyirekurirakw imvura ivuye ku nsenge zawe, Isi ihāzwa n’ibivuye mu bikorwa vyawe.

Zaburi 67:6

Isi irimbuka ivyimburo vyayo; Imana, ni yo Mana yacu, izoduha umugisha.

Zaburi 67:7

Imana izoduha umugisha; Kand’ abo ku mpera zose z’isi bazoyubaha.

Zaburi 68:9

Mana, warekuriye ishamvu yawe imvura y’ubuntu: Wahashubijemw’ intege hamwe hari harushe.

Zaburi 85:12

Kand’ Uhoraho azogaba ivyiza: Igihugu cacu kizokwimbuka ivyimburo vyaco.

Zaburi 85:13

Ukugororoka kuzomwitangira imbere, Kandi kuzoca mu makanda y’ibirenge vyiwe.

Yesaya 30:23

Kand’ azorekurira imvura imbuto muzobiba mu ndimiro, kand’ imihure ivuye mu ndimiro izoba inovereye yo gutunga amagara: ico gihe imikuku yanyu izorisha ivyanya binini.

Yesaya 5:6

kandi ndaruririke; ntiruzotuturirwa, ntiruzorimirirwa, ariko ruzomeramw’ imikere n’amahwa; kandi nzobuza ibicu vyoye kurugwishakw imvura.

Yeremiya 14:22

Mu bigirwamana vy’imburakimazi vy’ amahanga har’ ivyoshobora kurekura imvura? Cank’ ijuru ubgaryo ryoshobora kurekura iy’ umurindi? Mbeg’ ūbishobora si wewe Uhoraho Mana yacu? Ni co gituma tukwitega; kukw ari wewe waremye ivyo vyose.

EZEKIYELI 36:30

Nzokikimvya ivyama ku biti biribga, n’uburumbuke mu mirima, kugira ngo mwoye gusubira kuba igitutsi mu mahanga c’uko muhoramw’ inzara.

Yoweli 2:22

Namwe bikōko vyo mw ishamba, nta co mutinya; kuk’ ubgatsi bgo mu bgeranyange bgongeye kumera, n’ibiti bisubiye kwama, n’imisukoni bo n’imizabibu bitengengeye.

Abalewi 25:19

Kand’ ico gihugu kizokwimbuka, muzokwama mu gahimbo, mube muri co amahoro.

Abalewi 25:21

Mu mwaka ugira gatandatu nzobarungikira umugisha utuma haba uburumbuke bg’indya zizobatunga imyaka itatu.

Zekariya 8:12

Kuko nzobiba amahoro; umuzabibu uzokwama inzabibu zawo, isi yimbuke ivyimburo vyayo, ikirēre kizane ikime caco; ivyo vyose nzobiha amasigarira y’ubu bgoko k’umwandu.

Matayo 5:45

kugira ngo mube abana ba So wo mw ijuru, kukw atuma izuba ryiwe rirasira ababi n’abeza, kand’ aha imvura abagororotsi n’abagabitanya.

Ivyakozwe 14:17

Ariko ntiyabirekeye ngaho, itagira ico kuyishingira intahe, kuko yama ibagirira neza, ibaha imvura iva mw ijuru, n’ibihe vy’ivyimburo vyiza, ibahāza ivyo kurya, yuzuza imitima yanyu umunezero.

Gusubira mu Vyagezwe 11:13

Maze ni mwagira umwete wo kwumvira ivyagezwe mbagera uyu musi, mugakunda Uhoraho Imana yanyu, mukamukorera mubiherejekw imitima yanyu yose n’ubugingo bganyu bgose,

Gusubira mu Vyagezwe 11:14

igihugu canyu azokirekurira imvura mu bihe vyayo, imvura y’agatāsi n’iy’ urushana, kugira ngo mubone kwimbura amasaka yanyu n’inzabibu zanyu za vino n’imyelayo yanyu y’amavuta.

Gusubira mu Vyagezwe 28:12

Uhoraho azobugururira ijuru, ari ryo bubīko bgiwe buninahaye, ngw ahe igihugu canyu imvura mu gihe cayo, ahezagire n’ibikorwa vyanyu vyose; amahanga menshi azoza kubagurāna, ariko mweho ntimuzoja kuyagurāna.

Yakobo 5:7

Nuko bene Data, mwihangane mushitse ah’ Umwami Yesu azozira. Eh’ umurimyi arorēra imirima myiza, ayirīndīra yihanganye, gushitsa ah’ izoronkera imvura y’agatāsi n’iy’ urushana.

Ivyahishuwe 11:6

Abo bafise ubushobozi bgo gukinga ijuru, ngw imvura ntikoroke mu misi yo kuvugishwa kwabo: kandi bafise ubushobozi ku mazi kuyahindura amaraso no kubabarisha isi icago cose, uko bagomvye.