Abalewi 26:26 - Bibliya Yera 1951 1967 (Burundi)

²⁶ Ni navuna inkoni mwegamiye, ari yo vyo kurya vyanyu, abagore cumi bazoderenganiriza mu ziko rimwe, botsa udutsima, bazosigara babagaburira udutsima twa mugerwa: murye ututabahāgije.

Abalewi 26:26 ပူးပေါင်းရင်းမြစ်များ

2 Abami 6:25

Maz’ i Samariya hatera inzara y’icago; bakomeza kuhugariza gushitsa ah’ abantu basigaye bagura umutwe w’indogoba shekeli z’ifeza mirongumunani, n’ikigirakane c’agakondwe k’amavyi y’inuma shekeli z’ifeza zitanu.

Zaburi 105:16

Ahamagara amapfa ngw atere mu gihugu; Avuna inkoni yose bishimikije, ni vyo vyo kurya vyabo.

Yesaya 3:1

Rāba Umwami, Uhoraho Nyen’ ingabo, anyaze ab’ i Yerusalemu n’Abayuda icishimikizo n’inkoni begamiye, icishimikizo cose, ari co vyo kurya vyabo, n’icishimikizo cose, ari co mazi yabo;

Yesaya 5:10

Kukw imirima cumi y’imizabibu izoreta umubindi umwe, kand’ igisamba cagezwemw’ imbuto kizozana inkōko gusa.

Yesaya 9:19

Uburake bg’Uhoraho Nyen’ ingabo ni bgo butumye igihugu gitongoka: abantu na bo bakamera nk’inkwi z’umuriro; nta wugirira akagongwe mugenzi we.

Yesaya 9:20

Umuntu azosahurira i buryo bgiwe, ariko yame ashonje; azorya n’ivy’ i bumoso, na ho nyene ntahāge: umuntu wese azorya mugenzi we kw inyama.

Yeremiya 14:12

Iyo bisonzesha sinzoruha numva ugutakamba kwabo; iyo bosa ikimazi, bazanye n’ishikanwa ry’ifu, sinzobākīrira: ariko nzobaranduza inkota n’inzara n’ikīza.

EZEKIYELI 14:13

riti Mwana w’umuntu, igihugu ni cakora icaha kikancumurako, nanje nkagishingiriza ukuboko kwanje, nkavuna inkoni yaco cishimikije, ni yo mutsima waco, nkakirekuriramw’ inzara, nkakiranduramw’ abantu n’ibitungano,

EZEKIYELI 4:10

Kand’ ivyo kurya vyawe uze wame ubirya ku rugero, ari rwo shekeli mirongwibiri mu musi mu musi: uzokwama urya rimwe ku musi.

EZEKIYELI 4:16

Arongera arambarira, ati Mwana w’umuntu, ehe ngira mvune inkoni ab’ i Yerusalemu bishimikije, ari wo mutsima; kandi bazosigara barya umutsima ku rugero, bahagaritse umutima; n’amazi bazoyanywa ku rugero bihebuye:

EZEKIYELI 4:17

uko ni ko bazokena ivyo kurya n’amazi, bazazanirwe iyo bava bakagera, bashire umunywera kubg’ ibigabitanyo vyabo.

EZEKIYELI 5:16

kandi nkabarasa imyampi mibi ya kigoyi yo kubageseza, iyo nzorungika kubatikiza; kandi nzobagwizamw’ amapfa, mvune inkoni yanyu mwishimikije, ni wo mutsima;

Hoseya 4:10

Maze bazorya ntibahāge, basambane ntibagwire: kuko bampemukiye, jewe Uhoraho.

Abalewi 26:27

Ivyo vyose ni bitātuma munyumvira, ariko mukagenda munyuranya nanje;

Mika 6:14

Uzorya ntuhage, uhorane ikigoyi mu nda; ivyo uzonyuruza ntuzobikiza, kandi n’ivyo wokijije nzobigaburira inkota.

Hagayi 1:6

Mubiba vyinshi, mukimbura bike; kurya murarya, ariko ntimushira inzara; kunywa muranywa, ariko ntimushira inyota; kwambara murambara, ariko ntimushira imbeho; kand’ ūca amahera ayacira mu mupfuko utobotse.