Abalewi 26:20 - Bibliya Yera 1951 1967 (Burundi)

²⁰ Amaboko yanyu azopfa ubusa, n’igihugu canyu ntikizoruha cera, kandi n’ibiti vyo muri co ngo bigire ico vyama.

Abalewi 26:20 ပူးပေါင်းရင်းမြစ်များ

Itanguriro 4:12

Kuva ubu ni warima isi ntizogira ico ikumerera; uzogenda urāraguza, ur’ inyererezi mw isi.

1 Abami 18:2

Nuko Eliya aragenda, ngw aje kwiyereka Ahabu. Ico gihe kigoyi cari cinshi cane i Samariya,

Yobu 31:40

Asangwa vyarabaye birtyo, amahwa arakamera ahobaye ingano, N’ikigunda ahobaye sayiri. Amajambo ya Yobu agarukiye aho.

Zaburi 107:34

Igihugu kimera agihindura akarēre k’umunyu, Kubg’ ivyaha vy’abahaba.

Zaburi 127:1

Uhoraho iy’ atari we yubaka inzu Abayubaka baba baruhira ubusa. Uhoraho iy’ atari we azigama igisagara Umuteramyi abera maso ubusa.

Yesaya 17:10

Kuko wibagiye Imana y’agakiza kawe, ntiwibuke igitandara c’inkomezi zawe; ico ni co catumye uteragira interwa zo kwinezereza, ukishingira imizabibu y’ikigirwamana c’akavantara.

Yesaya 17:11

Ku musi wabiteyeko warabizitiriye, bukeye utuma ivyo wateye bishurika: arikw ivyimburwa bizobura ku musi w’umubabaro n’akabonge k’ubgihebe.

Yesaya 49:4

Ariko ndavuga, nti Naruhijwe n’ubusa, inkomezi zanje zapfuye ubusa, nazikoresheje ibitagira ikimazi: yamara rer’ urubanza rwanje ruseguwe n’Uhoraho, kand’ Imana yanje ni yo izompēra.

Yeremiya 12:13

Bābivye ingano, bimbura amahwa: bārīgōye, ntivyagira ico bibamarira; muzomāramāzwa n’ivyo mwejeje, kubg’ uburake bg’inkazi bg’Uhoraho.

Hoseya 2:11

Nzomucakw ibitwengo, n’imisi mikuru yaziririza, bo n’ imboneko z’amezi n’amasabato n’ imisi mikuru yose yashinzwe.

Abalewi 26:4

nuko nanje nzogenda mbarekurira imvura mu bihe vyayo, n’ igihugu kizogenda cimbuka ivyimburo vyaco, n’ibiti vyo mu ndimiro bizokwama bitengengere.

Habakuki 2:13

Mbega ntibiva k’Uhoraho Nyen’ ingabo kw amoko atamishwa n’ibizoturirwa n’umuriro, amahanga akiruhiriza ubusa?

Hagayi 2:16

ico gihe cose, uwaja ku kirundo c’ impeke c’ingero mirongwibiri yasangamw’ icumi gusa; n’uwaja ku bgato bga vino ngw akūremw’ inzato mirongwitanu yasangamwo mirongwibiri gusa.

1 Korinto 3:6

Ni jewe nateye imbuto, Apolo arazivomera, arikw Imana ni yo yazikujije.

Galatiya 4:11

Munteye akōba, yuko kumbure ivyo nabakoreye natamijwe n’ubusa.

Gusubira mu Vyagezwe 11:17

uburake bg’Uhoraho bukabaziriringira, agakinga ijuru kugira ngw imvura ntigwe, isi ntibe ikimerakw ibintu, mukazohava muhona bidatevye, mugashira mu gihugu ciza Uhoraho abahaye.

Gusubira mu Vyagezwe 28:18

Uruvyaro rwo mu nda zanyu ruzovumwa, bo n’imirima yo mu ndimiro zanyu, n’uruvyaro rw’inka zanyu n’urw’ imikuku yanyu.

Gusubira mu Vyagezwe 28:42

Ibiti vyanyu vyose n’ imirima yanyu inzige ni zo zizovyihariza.

Gusubira mu Vyagezwe 32:22

Kuk’ umuriro w’uburake bganje udometswe, Wātse, ugashika hasi i kuzimu, Ugatōngōra isi n’ivyeze kuri yo, Ukadomeka amatanguriro y’ imisozi.