Abalewi 26:16 - Bibliya Yera 1951 1967 (Burundi)

¹⁶ nanje uko nzobagira n’uku: nzobagomorera ibibaca ivutu; kugenda mukōnyēra bo no kurwara inyonko bizotuma muhwera mu kajisho, imitima yanyu ihondobēre: muzorimira ubusa, kukw abansi banyu ari bo bazobirya.

Abalewi 26:16 ပူးပေါင်းရင်းမြစ်များ

1 Abami 8:37

Inzara ni yatera mu gihugu, cank’ ikīza, canke kurumbisha, cank’ ururyi rw’agahezambuto, cank’ inzige, cank’ inzikira, cank’ abansi babo ni babatera bakabaziguza mu gisagara cabo ic’ ari co cose; ni haramuka hateye icago ic’ ari co cose, cank’ indwara,

Yobu 18:11

Azoterwa ubgoba n’ibimukanga irya n’ino, Bizomukinagiza vyōmye ku bitsintsiri vyiwe.

Yobu 20:25

Useruke mu mugongo wiwe: Mber’ uwo mubugita ukayangana uzoseruka utobekeranije indurwe yiwe; Ubgoba buzoba bumufashe.

Yobu 31:8

Ndakarima, birye uwundi, Mbere n’imirima yo mu ndimiro yanje irandurwe!

Zaburi 109:6

Umuhe kuganzwa n’umunyakibi, Wa murwanizi ahagarare i buryo bgiwe.

Zaburi 73:19

Erega bārahonnye mu kanya gato! Ubgoba bg’uburyo bginshi burabamaze.

Zaburi 78:33

Bituma irangiza imisi yabo nk’impwemu zihumetswe, N’imyaka yabo iyirangiza mu kanya isase.

Kuvayo 15:26

Arababarira, ati Ni mwagira umwete wo kwumvira Uhoraho Imana yanyu, mugakora ibitunganye mu nyonga ziwe mukumvira ivyagezwe vyiwe, mukitondera ivyo yihanikirije vyose, ngo Nta ndwara azobateza nk’ izo yateje Abanyegiputa; ngo Kukw ari we Uhoraho, abakiza indwara.

Imigani 3:33

Umuvumo w’Uhoraho uri mu nzu y’abanyavyaha, Arikw ahezagira ingo z’abagororotsi.

Yesaya 10:4

Nta gisigaye atar’ ugucishwa bugufi mu mbohe, canke guhindikiranywa mu bishwe. Yamara na ho nyene uburake bg’Uhoraho ntiburahwama, arik’ ukuboko kwiwe kuracabānguye.

Yesaya 62:8

Uhoraho yarahije ukuboko kwiwe kw’i buryo, ukuboko kw’inkomezi ziwe, ati N’ukuri sinzokwongera guha abansi bawe amasaka yawe ngo bayarye, kand’ abanyamahanga ntibazokunywera vino wacumukuriye;

Yesaya 7:2

Babūrira umuryango wa Dawidi, bat’ Abasiriya bifatanije n’Abefurayimu. Maz’ umutima wa Ahazi urahungabana, bo n’imitima y’ abantu biwe, nk’ukw ibiti vyo mu kibira bihungabanywa n’umuyaga.

Yeremiya 12:13

Bābivye ingano, bimbura amahwa: bārīgōye, ntivyagira ico bibamarira; muzomāramāzwa n’ivyo mwejeje, kubg’ uburake bg’inkazi bg’Uhoraho.

Yeremiya 15:3

Kandi ndabagereye ivyago bine, ni k’ Uhoraho agize: inkota yo kwica, n’imbga zo gutabagura, n’ibisīga vyo mu kirēre n’ibikōko vyo kw isi vyo gutsontsomera no gutikiza.

Yeremiya 15:8

Abapfakazi babo baragwiriye kurusha umusenyi wo ku kiyaga imbere yanje: nabagomoreye abanyazi ku murango w’amashōka, ngomoreye nyina w’abahungu; namusutseko giturumbuka umubabaro n’ ibiteye ubgoba.

Yeremiya 20:4

Kuk’ ukw ari k’Uhoraho agize, ati Nzotuma wikanga, ukange na bagenzi bawe bose; bazohindikiranywa n’inkota z’abansi babo, nawe amaso yawe azovyibonera. Nzotanga Ubuyuda bgose mu kuboko kw’umwami w’i Babuloni, kand’ azobajana ar’ inyagano i Babuloni, kand’ azobicisha inkota.

Yeremiya 5:17

Bazorya ivyimburwa vyanyu n’ivyo kurya vyanyu, ivyo abahungu banyu n’abakobga banyu boriye; bazorya imikuku yanyu n’amasho yanyu; bazorya imizabibu yanyu n’imisukoni yanyu; kand’ ibisagara vyanyu vyubakiwe inzitiro, ivyo mwishimira, bazobisanganguza inkota.

EZEKIYELI 24:23

Ibitambara vyanyu bizoba biri mu mitwe yanyu, n’inkweto muzoba muzambaye: ntimuzoboroga canke ngo murire; ariko muzoshira umunywera kubg’ ibigabitanyo vyanyu, mucurire umunihiro hamwe.

EZEKIYELI 33:10

Nuko rero, mwana w’umuntu, ubarire ab’ inzu ya Isirayeli, uti Musigaye muvuga, mut’ Ibicumuro vyacu n’ivyaha vyacu biri ku mitwe yacu, kandi duhondobereye muri vyo: none twoshobora dute kubaho?

Amosi 5:11

Nuko rero, ko mwasiribanze umurushwa, mukamutoza utugano twiwe; amazu mwiyubakishirije amabuye abajwe, ntimuzoyabamwo; imirima myiza y’imizabibu mwateye, ntimuzonywa vino zayo.

Mika 6:15

Uzobiba, ariko ntuzokwimbura; uzokānya elayo, ariko ntuzokwisīga amavuta yayo; ukānye n’imizabibu, ariko ntuzonywa vino yayo.

Hagayi 1:6

Mubiba vyinshi, mukimbura bike; kurya murarya, ariko ntimushira inzara; kunywa muranywa, ariko ntimushira inyota; kwambara murambara, ariko ntimushira imbeho; kand’ ūca amahera ayacira mu mupfuko utobotse.

Zekariya 14:12

Iki ni co cago Uhoraho azotēza amahanga yose azoba ateye Yerusalemu: inyama z’imibiri yabo zizobatikimirako bagihagaze, n’amaso yabo aborere mu nkombe zayo, n’indimi zabo ziborere mu kanwa kabo.

Malaki 2:3

Rāba nzovuma imbuto zanyu, ari mwebge mubinteye, kandi nzobasīga mu maso amayezi y’ibimazi vyanyu; muzoyoranwa na yo.

Gusubira mu Vyagezwe 28:51

Bazorya inyana z’ inka zanyu, n’ivyo imirima yanyu izoba yarēze, gushitsa aho muzorandukira; nta co bazobasigariza, ar’ icitwa uruheke, canke vino, cank’ amavuta ya elayo, cank’ uruvyaro rw’inka zanyu cank’ urw’ imikuku yanyu, gushitsa aho bazobahonereza.

Gusubira mu Vyagezwe 32:25

Hanze inkota izohēkūra, No mu nzu habe gucika ivutu, Yice imisore n’inkumi, N’abana bonka n’abatāma bameze imvi.

Abaheburayo 10:31

Erega birateye ubgoba gukorokera mu maboko y’Imana nzima.

Abacamanza 6:11

Bukeye umumarayika w’ Uhoraho araza, yicara musi y’ igiti c’umweloni cari muri Ofura; car’ ica Yowasi Umwabiyezeri, kand’ umuhungu wiwe Gideyoni yarikw arakubitira ingano mu bgato baganiramwo vino, bgimbge mu kuzimu, kugira ngw azinyegeze Abamidiyani.

1 Samweli 2:33

Ngo Kandi ni hagira umuntu wo kuri wewe azosigara atamukūye ku gicaniro ciwe, na ho nyene bizoba ar’ ugusigara akobotse amaso, atuntuye mu mutima; ngo Kand’ ab’ uruvyaro rw’inzu yawe bose bazogenda bapfa bakenyutse.