Abalewi 23:8 - Bibliya Yera 1951 1967 (Burundi)

⁸ Mur’ iyo misi ukw ar’ indwi, uko bukeye muze munshikanire ibimazi bitōngōrwa n’umuriro: umusi ugira indwi uz’ ube uwo gukorana kwera, ntihaze hagire igikorwa kiruhisha muwukorako.

Abalewi 23:8 ပူးပေါင်းရင်းမြစ်များ

Kuvayo 12:16

Kandi ku musi w’intangamarāra mukoranywe no kuba ikoraniro ryera, no ku musi ugira indwi haze habe irindi nyene; ntihaze hagire igikorwa na kimwe gikorwa kur’ uwo musi, atar’ igikorwa c’inda gusa, ico conyene kize kibe ari co mukora.

Kuvayo 13:6

Muze mumare imisi ndwi murya imitsima itambiwe, maz’ umusi ugira indwi uz’ ube umusi mukuru w’Uhoraho.

EZEKIYELI 45:23

Mur’ iyo misi mikuru ukw ar’ indwi az’ atange ibimazi vyo kwosereza Uhoraho, amamasa ndwi‐ndwi n’impfizi z’intama ndwi‐ndwi bitagira agasembga, ku musi wose ukw ar’ indwi; n’impfizi z’impene kw ikimazi gitangirwa ivyaha imwe‐imwe uko bukeye.

Abalewi 23:7

Ku musi w’intangamarāra wayo muze mukoranywe no kuba ikoraniro ryera: ntihaze hagire igikorwa kiruhisha muwukorako.

Abalewi 23:9

Uhoraho abarira Mose,

Guharūra 28:18

Ku musi w’intangamarāra wayo muze mukoranywe no kuba ikoraniro ryera: ntihaze hagire igikorwa kiruhisha muwukorako:

Guharūra 28:25

Kandi ku musi ugira indwi muze mukoranywe no kuba ikoraniro ryera: ntihaze hagire igikorwa kiruhisha muwukorako.

Guharūra 28:26

No ku musi wo kuzana ivyimburwa vy’umushuzo, igihe munshikanira ishikanwa ry’umushuzo, jewe Uhoraho, ku musi mukuru ukurikira amasabato ndwi, muze mukoranywe no kuba ikoraniro ryera: ntihaze hagire igikorwa kiruhisha muwukorako.

Gusubira mu Vyagezwe 16:8

Imitsima itambiwe iz’ ibe ari yo murya kumara imisi itandatu; maze ku wugira indwi muze mugire ikoraniro ry’agahebuza, mushengereye Uhoraho Imana yanyu; ntihaze hagire igikorwa muwukorako.