Abalewi 22:20 - Bibliya Yera 1951 1967 (Burundi)

²⁰ Arikw igifise agasembga cose ntimuze mugitange, kuko kitazokwemerwa ko mushikanye.

Abalewi 22:20 ပူးပေါင်းရင်းမြစ်များ

EZEKIYELI 45:18

Uku ni k’Umwami Uhoraho agize, ati Mu kwezi kwa mbere, ku musi wakwo wa mbere, uze wābīre imasa y’umukangara idafise agasembga; uheze uz’ uhumanure ahēra.

Abalewi 1:3

Ikimazi c’umuntu co kwoswa, ni cāba ar’ ico mu busho, az’ atange imasa itagira agasembga: ayitangire ku muryango w’ihema ry’ibonaniro, kugira ngo yemerwe imbere yanje.

Abalewi 22:24

Igifise amavya yahomberanye canke yamenetse canke yajanjaguritse canke yashahuwe, ntimuze mukinshikanire, jewe Uhoraho; ntimuze mugenze murtyo mu gihugu canyu.

Abalewi 22:25

N’iyo coba kizanywe n’umunyamahanga, ntimuze mwemere ikimeze girtyo na kimwe, ngo mukinshikanire kw imfungurwa, jewe Imana yanyu; ntikizokwemerwa ko mushikanye, kuko gitosekaye, kikabakw agasembga.

Abalewi 3:1

Kand’ ishikanwa ry’umuntu ni ryaba ar’ ikimazi c’ishimwe akūye mu busho, ar’ imasa cank’ inyana, az’ agitange kitagira agasembga imbere yanje.

Abalewi 3:6

Kand’ ishikanwa ryiwe ry’ ikimazi c’ishimwe anshikaniye, ni caba ar’ ico akūye mu mukuku, ar’ isuguru cank’ ishashi, az’ agitange kitagira agasembga.

Malaki 1:8

Ereg’ iyo mutanze impumyi kw ikimazi, mugira ngo Nta co biriko! N’iyo mutanze iyicumbagira n’iyirwaye, na ho nyene ngo Nta co biriko! Genda uyishikanire icēgēra c’umwami: mbeg’ ubgo yogushimira, canke yokwemera n’uko mubonana? ni k’Uhoraho Nyen’ ingabo abaza.

Guharūra 19:2

at’ Ibi ni vyo bibgirijwe n’icagezwe jewe Uhoraho nshinze: Barira Abisirayeli bakuzanire inka y’iriza y’akagajo itagira ibara cank’ agasembga, itigeze gukoreshwa igikorwa na kimwe.

Guharūra 29:8

ariko muze mutange ikimazi co kwoswa munshikaniye jewe Uhoraho, c’umubabge umota neza; kize kibe imasa y’umukangara imwe, n’ impfizi y’intama imwe, n’abana b’intama ndwi b’amasuguru, batarengeje umwaka; muze mubitange bitagira agasembga.

Gusubira mu Vyagezwe 15:21

Ariko ni hagira ikigira agasembga, ari nko gucumbagira canke guhuma, cank’ akandi gasembga kabi ak’ ari ko kose, ntimuze mugishikanire Uhoraho Imana yanyu kw ikimazi.

Gusubira mu Vyagezwe 17:1

Ntimuze mugire imasa cank’ intama muzanira Uhoraho Imana yanyu kw ikimazi birikw agasembga cank’ igitosekaye cose, kukw ico ar’ umuziro k’Uhoraho Imana yanyu.

Abaheburayo 9:14

mbeg’ amaraso ya Kristo, uwo yitanze ku Mana atagira agasembga, abitewe na Mpwemu ahoraho, ntazorushiriza guhumanura imitima yanyu ngw ibikorwa vy’impfagusa biyivemwo, kugira ngo mubone ingene mukorera Imana nzima?

1 Petero 1:19

ariko mwacungujwe amaraso y’igiciro kinini, nk’ay’ umwagazi w’intama utagira agasembga cank’ ibara, ni yo ya Kristo.