Abalewi 21:12 - Bibliya Yera 1951 1967 (Burundi)

¹² canke ngo binamusohokane ngw ave Ahēra, canke ngw ahumanye Ahēra hanje Imana yiwe; kukw ibango yaheshejwe no kurobanuzwa amavuta yanje Imana yiwe riri kuri we: ni jewe Uhoraho.

Abalewi 21:12 ပူးပေါင်းရင်းမြစ်များ

Kuvayo 28:36

Uheze ucure akabāte mw izahabu iramuye, ukandikeko mu buryo bgo guca amagarwe, nk’ uko baca amagarwe ku kabuyenge ko kudoma ikimenyetso, uti YEREJWE UHORAHO.

Yesaya 61:1

Mpwemu w’Umwami Uhoraho ari kuri jewe, kuk’ Uhoraho yandobanuje amavuta ngo mbgire abaciye bugufi ubutumwa bgiza; yantumye gutubika imitima imenetse, no kumenyesha abarindwa ko barekuwe, n’imbohe ko zugururiwe;

Abalewi 10:7

Kandi ntimutirimuke ngo muve ku muryango w’ihema ry’ibonaniro, kugira ngo ntimupfe: kukw amavuta y’Uhoraho mwarobanujwe akiri kuri mwebge; nuko babigenza nk’uko Mose avuze.

Abalewi 21:13

Kand’ uwo azokwābīra az’ abe inkumi yirongoreye.

Abalewi 8:30

Maze Mose yābīra kuri ya mavuta yo kurobanuza abahabga ibango, no ku maraso yari ku gicaniro, abicucagira kuri Aroni no ku myambaro yiwe, no ku bana biwe no ku myambaro yabo; yeza Aroni n’imyambaro yiwe, n’abana biwe n’imyambaro yabo.

Guharūra 6:6

Imisi yose yo kunyiyegurira kwiwe ntaze yēgēre umuvyimba.

Ivyakozwe 10:38

rivuga ivya Yesu Umunyanazareti, ingen’ Imana yamusutseko Mpwemu Yera n’ubushobozi, akagenda agirira abantu neza, agakiza abo bose wa Murwanizi atwaza amanyama, kukw Imana yari kumwe na we.