Abalewi 20:9 - Bibliya Yera 1951 1967 (Burundi)

⁹ Umuntu wese azovuma se canke nyina ntaz’ abure kwicwa: kw azoba avumye se canke nyina, amaraso yiwe ni we azokora.

Abalewi 20:9 ပူးပေါင်းရင်းမြစ်များ

2 Samweli 1:16

Dawidi aramubarira, at’ Amaraso yawe abe ari wewe aja ku mutwe, kukw akanwa kawe ari ko kakubereye icagirizi, nk’uko wivugiye ko wishe uwo Uhoraho yimikishije amavuta.

1 Abami 2:32

Uhoraho aza kuba amushubije ku mutwe amaraso ya ba bantu babiri yatsindaho, akabicisha inkota, data Dawidi atabizi, kand’ ar’ abantu bamurusha kugororoka no gutungana, ni bo Abuneri mwene Neri, umugabisha w’ingabo z’Abisirayeli, na Amasa mwene Yeteri, umugabisha w’ingabo z’Abayuda.

Kuvayo 21:17

Ūvumye se canke nyina, ntaz’ abure kwicwa.

Imigani 20:20

Ūvuma se canke nyina Itara ryiwe rizozimirizwa mu mwiza w’umuzitanya.

Imigani 30:11

Har’ urunganwe rw’abantu batuka ba se, Ntibahezagire ba nyina.

Imigani 30:17

Ijisho ry’ūcokora se, Kwumvira nyina akabikēngēra, Ibikōna vyo mu mwonga bizorinogora, Ibinyakabaka bizorirya.

EZEKIYELI 18:13

akagurānira kuzohabga ay’ inyungu, akāka ibirenzeko: ben’ uyo mbega yobaho? Eka ntiyobaho: ko yoba yarakoze ivyo bizira vyose, ntiyobura gupfa; kand’ amaraso yiwe azoba kuri we.

EZEKIYELI 22:7

Ababa muri wewe bakēngēra ba se na ba nyina; muri wewe ni ho bahahariza umuntu w’akavantara; muri wewe ni ho barīra impfuvyi n’ abapfakazi.

Abalewi 20:16

Kand’ umugore cank’ umukobga ni yegera igitungano, akaryamana na co, muze mumwicane na co: ntibize bibure kwicwa: amaraso yavyo ni vyo azokora.

Abalewi 20:27

Umugabo cank’ umugore bahamagara imizimu, canke bakaba abamenyi, ntibaze babure kwicwa: baze babicishe amabuye; amaraso yabo ni bo azokora.

Matayo 15:4

Kukw Imana yavuze, iti Wubahe so na nyoko; kand’ it’ Ūtutse se canke nyina ntaz’ abure kwicwa.

Matayo 27:25

Abantu bose baramwishura, bat’ Amaraso yiwe araba ari twebge akora n’abana bacu.

Mariko 7:10

Kuko Mose yavuze, ati Wubahe so na nyoko: kand’ at’ Ūtutse se canke nyina, ntaz’ abure kwicwa.

Gusubira mu Vyagezwe 27:16

Abalewi bat’ Azoba avumwe, ūkēngēra se canke nyina. Abantu bose bitabirize, bati Amen.

Yosuwa 2:19

Mugabo, ūzotirimuka akava mu nzu yawe agasohoka, amaraso yiwe ni we azosubirako, natwe tweho tuzocuna; arik’ umuntu wese azoba kumwe nawe mu nzu, akagira ic’ aba, amaraso yiwe ni twebge azosubirako.

Abacamanza 9:24

kugira ngw asubirizwe mu nkōko agatikizo yatikije bene Yerubayali mirongwirindwi, kandi ngw amaraso yabo akore Abimeleki nyene kubica, akore n’abantu b’i Shekemu bāfatanije na we aho yica bene se.