Abalewi 19:3 - Bibliya Yera 1951 1967 (Burundi)

³ Umuntu wese muri mwebge aze yubahe nyina na se, kandi muze mwitondere amasabato yanje: ni jewe Uhoraho Imana yanyu.

Abalewi 19:3 ပူးပေါင်းရင်းမြစ်များ

Itanguriro 48:12

Yosefu abakūra hagati y’ amavi ya se, arunama akubita inkoro hasi.

Nehemiya 9:14

Wabamenyesheje isabato yawe yera, ubashirirah’ amabgirizwa n’ivyashinzwe n’ ivyagezwe, ubitumye umusavyi wawe Mose.

Kuvayo 16:29

Rāba, jewe Uhoraho ko nabahaye isabato, ni co catumye mbaha ivyo kurya vy’imisi ibiri ku wa gatandatu. Umuntu wese n’agume ah’ ari, ntihagire umuntu ayegayega ku musi ugira indwi.

Kuvayo 20:12

Wubahe so na nyoko, kugira ng’urambire mu gihugu jewe Uhoraho Imana yawe nzoguha.

Kuvayo 20:8

Wibuke kuziririza umusi w’ isabato.

Kuvayo 21:15

Ūkubise se canke nyina, ntaz’ abure kwicwa.

Kuvayo 21:17

Ūvumye se canke nyina, ntaz’ abure kwicwa.

Imigani 1:8

Mwana wanje, umva inyigisho ya so, Kandi ntute ibgirizwa rya nyoko:

Imigani 23:22

Wumvire so yakuvyaye, Kandi ntugakēngēre nyoko ashitse mu butāmakazi.

Imigani 30:11

Har’ urunganwe rw’abantu batuka ba se, Ntibahezagire ba nyina.

Imigani 30:17

Ijisho ry’ūcokora se, Kwumvira nyina akabikēngēra, Ibikōna vyo mu mwonga bizorinogora, Ibinyakabaka bizorirya.

Yesaya 58:13

Ni wakūra ikirenge cawe, ngo ntukandagire isabato, ukareka gukora ivyo wigombeye ku musi wanje wera, arik’ ukita isabato umusi w’umunezero, mber’ umusi wanje wera ukawita uw’ icubahiro, ukawubaha, ntukore ivyo ugomba ubgawe, ntiwironderere gukora ivyawe, ntiwirirwe mu bijandijandi vy’ubusa,

EZEKIYELI 20:12

Ikigeretseko, mbaha n’amasabato yanje, ngw abe ikimenyetso hagati yanje na bo, kugira ngo bamenye yukw ari jewe Uhoraho mbeza.

Abalewi 11:44

Kuko nd’ Uhoraho Imana yanyu: ni mwiyeze rero, mube abera, kuko nanje nd’ uwera; kandi ntimuze mwiyandurishe akanyonyera k’uburyo bgose kagendera hasi.

Abalewi 19:25

Maze mu mwaka ugira gatanu abe ari ho mutangura kurya ku vyamye kuri vyo, kugira ngo birushirize kubāmira: ni jewe Uhoraho Imana yanyu.

Abalewi 19:30

Muze mwitondere amasabato yanje, mwubahe Ahēra hanje: ni jewe Uhoraho.

Abalewi 19:31

Ntimuze muhindukirire abahamagara imizimu cank’ abamenyi: ntimuze muje kubabaza, bagahava babahumanya: ni jewe Uhoraho Imana yanyu.

Abalewi 19:34

Umunyamahanga aba muri mwebge muze mumugirire nk’imvukira, mumukunde nk’ uko mwikunda: kuko namwe mwar’ abanyamahanga mu gihugu ca Egiputa: ni jewe Uhoraho Imana yanyu.

Abalewi 23:3

mu misi itandatu abe ari ho ibikorwa bikorerwa, arik’ ūgira indwi n’ isabato yo kuruhuka bihebuje, n’ikoraniro ryera; ntimuze mugire igikorwa na kimwe muwukorako; n’isabato yanje Uhoraho, yo kwitonderwa mu ngo zanyu zose.

Abalewi 26:2

Muze mwitondere amasabato yanje, mwubahe Ahēra hanje: ni jewe Uhoraho.

Malaki 1:6

Umwana arubaha se, n’umushumba akubaha shebuja; non’ asangwa ndi So, kunyubaha kwanyu kuri hehe? Cank’ asangwa ndi Shobuja, igitinyiro canje kiri hehe ga yemwe baherezi bakēngēra izina ryanje? ni k’Uhoraho Nyen’ ingabo ababaza. Yamara muravuga, mut’ Izina ryawe twarikēngereye dute?

Gusubira mu Vyagezwe 27:16

Abalewi bat’ Azoba avumwe, ūkēngēra se canke nyina. Abantu bose bitabirize, bati Amen.

Gusubira mu Vyagezwe 5:16

Wubahe so na nyoko, nk’ uko jewe Uhoraho Imana yawe nabikugeze, kugira ng’ urambire mu gihugu jewe Uhoraho Imana yawe nzoguha, uhamererwe neza.

Abaheburayo 12:9

Kandi twari dufise ba data b’imibiri, bāradukāngīra, natwe tukabubaha: none ntituzorushiriza cane kugororokera Se w’impwemu tugahoraho?