Abalewi 1:7 - Bibliya Yera 1951 1967 (Burundi)

⁷ Bene Aroni abaherezi bashire umuriro kur’ ico gicaniro, bawurundekw inkwi:

Abalewi 1:7 ပူးပေါင်းရင်းမြစ်များ

Itanguriro 22:9

Bashika ahantu Imana yamubariye; Aburahamu ahubaka igicaniro, akinyuranyako za nkwi, aboha Isaka umwana wiwe, amurambika kur’ ico gicaniro hejuru y’inkwi.

1 Abami 18:33

Araheza akomānya inkwi, abāga ya masa, ayijanjagura mu bikenye vyayo, abigereka kur’ izo nkwi. Maz’ arababarira, ati Ni mwuzuze imibindi ine amazi, muyasuke ku kimazi co kwoswa no ku nkwi. Barabigira.

1 Ivyo ku Ngoma 21:26

Maze Dawidi ahubakira Uhoraho igicaniro, ahosereza ibimazi, atanga n’ ibimazi vy’ishimwe, yambaza Uhoraho; Uhoraho amwishurisha kurekura umuriro, utibukira kur’ ico gicaniro yosherejekw ibimazi.

1 Ivyo ku Ngoma 6:34

Samweli wa Elukana, Elukana wa Yerohamu, Yerohamu wa Eliyeli, Eliyeli wa Towa;

2 Ivyo ku Ngoma 7:1

Nuko Salomo arangije gusenga, umuriro utibuka uvuye mw ijuru, utōngōra ibimazi vy’ ukwoswa n’ibindi bimazi; ubgiza bg’Uhoraho bguzura iyo ngoro.

Nehemiya 13:31

kandi natunganije n’ivyo kuzana amashikanwa y’inkwi mu bihe vyashinzwe, bo n’ay’ imishuzo. Ndaheza ndasaba, nti Mana yanje, uz’ ubinzirikaneko, ubinyishure ivyiza.

Abalewi 6:8

Uhoraho abarira Mose,

Abalewi 9:24

Umuriro uvuye imbere y’Uhoraho uraheza uraza, utōngōrera ku gicaniro ca kimazi coshejwe bo na vya binure: abo bantu bose babibonye, basēsereza impundu, barūnama bashika hasi.

Malaki 1:10

Icompa hakagira n’umwe muri mwebge yugara inzugi, ngo mureke gucanira ubusa ku gicaniro canje! Simbanezererwa na gatoya, ni k’Uhoraho Nyen’ ingabo agize, kandi sinzokwemera ishikanwa munshikaniye.