Abaheburayo 9:4 - Bibliya Yera 1951 1967 (Burundi)

⁴ hārimw’ igicaniro co kwoserezakw imibavu cakozwe mw izahabu, hārimwo n’isandugu y’isezerano yometswekw izahabu impande zose, irimw’ urwavya rw’izahabu rurimwo manu, irimwo na ya nkoni ya Aroni yashurika, na vya bisate vy’amabuye vyanditswekw isezerano.

Bibiliya mu Kirundi coroshe

⁴ Muri ico kibanza harimwo igicaniro gikozwe mu nzahabu baturirirako ibimota neza hamwe n’isandugu ry’isezerano, ryari rirengejeko inzahabu impande zose. Muri iryo sandugu harimwo ibakure ry’inzahabu ririmwo manu, ya nkoni ya Aroni yamerako amababi hamwe na vya bisate vy’amabuye y’isezerano yanditsweko ivyagezwe.

Abaheburayo 9:4 ပူးပေါင်းရင်းမြစ်များ

1 Abami 7:50

n’ inzavya, n’imbugita, n’imibehe, n’udukombe, n’udusahani two gushirwak’ umunyota, na vyo nyene vyar’ ivy’ izahabu iramuye; n’ amapata y’inzugi zija haruguru, ari ho Hēra Cane, n’ay’ inzugi z’ingoro ubgayo, ari rwo rusengero, na yo yar’ ay’ izahabu.

1 Abami 8:21

Ni ho nashingiye umwanya isandugu irimw’ isezerano ry’Uhoraho yasezeranye na ba sogokuruza, aho yabakūra mu gihugu ca Egiputa.

1 Abami 8:9

Mur’ iyo sandugu nta kindi carimwo atari vya bisate bibiri vy’amabuye Mose yashiriyemw’ i Horebu, igihe Uhoraho yasezerana isezerano n’Abisirayeli, hamwe bava mu gihugu ca Egiputa.

2 Ivyo ku Ngoma 5:10

Mur’ iyo sandugu nta kindi carimwo atari vya bisate bibiri Mose yashiriyemw’ i Horebu, igihe Uhoraho yasezerana isezerano n’Abisirayeli, hamwe bava muri Egiputa.

Kuvayo 26:33

Kand’ ico gihuzu uz’ ukimanike ugitumbereje musi ya twa turinda, uze winjize ya sandugu y’Ibishinga intahe hirya yaco: ico gihuzu kize kibabere ico gutandukanya Ahēra n’Ahēra cane.

Kuvayo 31:18

Uhoraho amaze kubonanira na Mose kur’ uwo musozi Sinayi, amuha ibisate bibiri vyanditswekw Ibishinga intahe, ivyo bisate vyar’ ivy’ amabuye, vyanditsweko n’ urutoke rw’ Imana.

Kuvayo 32:15

Maze Mose arahindukira, amanuka uwo musozi, afise vya bisate vyompi mu minwe birikw Ibishinga intahe, vyanditswekw impande zompi, imbere n’inyuma.

Kuvayo 34:29

Mose amanuka uwo musozi Sinayi, afise mu minwe vya bisate vyompi birikw Ibishinga intahe; kand’ aho yamanuka uwo musozi ntiyar’ azi yuko mu maso hiwe haca ibibatsi kubg’ Uwo bāhora bakebukana.

Kuvayo 37:25

Abāza igicaniro co kwoserezakw imibavu mu giti citwa umushita; uburebure bgaco bgar’ itambge rimwe ry’ukuboko uciriye mu nkokora, ubgaguke bgar’ itambge rimwe nyene: cangana impande zose; uburebure bgaco bg’igihagararo bgar’ amatambge abiri; amahembe yaco yar’ abāziwe kuri co, yari kimwe na co.

Kuvayo 39:35

n’ isandugu y’Ibishinga intahe, n’ iminiho yayo, n’umutemere wo guhongerako;

Kuvayo 40:3

Uheze ushiremwo ya sandugu y’ Ibishinga intahe, uyikingirize ca gihuzu.

Abalewi 16:12

Yābire icotero, acuzuze amakara y’umuriro akūye ku gicaniro aho nyene imbere yanje, agende yujuje amashi imibavu iseye igogōye, y’ ibintu bimoga, avyinjize hirya ya ca gihuzu;

Guharūra 17:10

Uhoraho abarira Mose, ati Subiza inkoni ya Aroni imbere ya vya Bishinga intahe, kugira ngw ibīkirwe kubera ba bagarariji ikimenyetso: ubone guherengeteza imyidodombo yabo banyidodombera, boye gupfa.

Guharūra 17:5

Maz’ umuntu nzotoranya, inkoni yiwe izonaga: uko ni ko nzoherengeteza imyidodombo Abisirayeli babidodombera, ndayīkūre mu matwi.

Guharūra 17:8

Bukeye bgaho Mose yinjira mur’ iryo hema ry’Ibishinga intahe; agize ngw ararāba, asanga inkoni ya Aroni yatangiwe inzu ya Lewi yanaze, ipfunditse amapfundo, isambuye amashurwe, yamyeko shakedi zihishiye.

Gusubira mu Vyagezwe 9:11

Iyo misi mirongwine n’amajoro mirongwine bishize, ni ho Uhoraho yampaye ivyo bisate vy’amabuye, ari vyo vyarikw iryo sezerano.

Gusubira mu Vyagezwe 9:9

Nari nadūganywe uwo musozi no guhabga vya bisate vy’amabuye, ari vyo vyarikw isezerano Uhoraho yasezeranye namwe, nca mmara kur’ uwo musozi imisi mirongwine n’amajoro mirongwine, ata co ntamira, ata n’amazi nnywa.

Ivyahishuwe 11:19

Urusengero rw’Imana rwo mw ijuru rurugururwa, mu rusengero rwayo habonekamw’ isandugu y’isezerano ryayo, hakurikira imiravyo n’amajwi n’imituragaro no gutigita kw’isi n’urubura ruhambaye.

Ivyahishuwe 8:3

Haza umumarayika wundi, ahagarara ku gicaniro, afise icotero c’izahabu, ahabga imibavu myinshi ngw ayishire ku gusenga kw’abera bose kuri ku gicaniro c’izahabu kir’ imbere y’iyo ntebe.