Abaheburayo 4:1 - Bibliya Yera 1951 1967 (Burundi)

¹ Nuko, kukw isezerano ryo gushika mu buruhukiro bgayo rikiriho, twiyubare kugira ngo kumbure ntihagire uwo muri mwebge yiyumvirwa kw akērerewe.

Bibiliya mu Kirundi coroshe

¹ Ni co gituma, ko isezerano ryo kwinjira aho kuruhukira yateguye rikiriho, dukwiye kwirinda kugira ngo ntihagire n’umwe muri mwebwe yohava atahashika.

Abaheburayo 4:1 ပူးပေါင်းရင်းမြစ်များ

Imigani 14:16

Umuntu w’ubgenge ariyubara, agahunga ibibi, Arikw igipfu cidudarika, kikiremesha.

Imigani 28:14

Hahirwa umuntu yama yiyubara; Arik’ uwikomantaza umutima azogwa mu vyago.

Yeremiya 32:40

Kandi nzosezerana na bo isezerano ritazoshira, yuko ntazorora irya ngo mbahebe, ndeke kubagirira neza; kandi mu mitima yabo nzohashira kunyubaha, na bo boye kumvako.

Guharūra 14:34

Uti Nk’ ukw imisi ingana mwamaze mutata ico gihugu, ukw ari mirongwine, umusi uzohwana n’umwaka; uti Muzoyimara mugiweko n’ibigabitanyo vyanyu, ukw iyo myaka ari mirongwine; uti Kandi muzomenya kugirirwa umwikomo na we ic’ ari co.

Matayo 24:48

Arik’ umushumba mubi ni yibgira mu mutima wiwe, ati Databuja aracatevye:

Ivyakozwe 3:19

Nuko mwihane, muhindukire, ivyaha vyanyu bihanagurwe, ibihe vyo guhēmbūka bibone ingene biza, bivuye mu nyonga z’Umwami Imana,

Abaroma 11:20

Ni ko: ukutizera ni kwo kwayahanyuje, nawe ukwizera ni kwo kuguhagaritse. Ntiwibone, ariko wiyubare.

Abaroma 3:23

bose bākoze ivyaha, ntibashikīra ubgiza bg’Imana;

1 Korinto 10:12

Nuko rer’ uwiyumvira kw ahagaze ni yiyubare ntagwe.

2 Korinto 6:1

Kandi ko dukorana na yo, turabinginga, ntimuhērwe ubuntu bg’Imana gupfa ubusa:

Galatiya 5:4

Yemwe abagomba gutsindanishirizwa n’ivyagezwe, erega muhinduye ubusa gufatana na Kristo kwanyu, muratemvye muretse ubuntu bg’Imana.

2 Timoteyo 2:13

naho tutoba abizigirwa, we ahora ar’ umwizigirwa, kukw adashobora guhindagurika.

Abaheburayo 12:15

mwizigame, ntihagire umuntu adashikīra ubuntu bg’Imana, kandi ntihagire umuzi wo kurura umera, ukabahagarika imitima, abenshi bakāndura,

Abaheburayo 12:25

Mwirinde ntimwanke kwumva Iyirikw iravuga. Ba bandi ko batākize, hamwe banka uwababūririye mw isi, tweho tuzorushiriza cane kudakira, namba dutera ibitugu Iyitubūrira iri mw ijuru.

Abaheburayo 13:7

Mwibuke abābaganza, bakababgira ijambo ry’Imana; mwitegereje iherezo ry’ingeso zabo, mwīgāne ukwizera kwabo.

Abaheburayo 3:11

Nk’uko narahiranye uburake bganje, Nti Ntibazoshika mu buruhukiro bganje.

Abaheburayo 4:11

Nuko tugire umwete wo gushika mur’ ubgo buruhukiro, hoye kugira umuntu agwa, akurikiye icitegererezo ca ba bandi co kutumvira Imana.

Abaheburayo 4:9

Nuko rero haracarih’ uburuhukiro bg’isabato bubīkiwe abantu b’Imana.

1 Samweli 2:30

Ni co gitumye Uhoraho, Imana y’Abisirayeli, avuga, ngo N’ukuri yari yaravuze yukw ab’ inzu yawe n’ab’ inzu ya sogokuruza bazokwama bamugendako bar’ imbere yiwe ibihe vyose; ariko noneh’ Uhoraho agize ngo Biragahera; ngo Kukw abamwubaha ari bo azokwubaha, arikw abamukēngēra bazokēngērwa.