Abaheburayo 1:7 - Bibliya Yera 1951 1967 (Burundi)

⁷ Kand’ ivy’ abamarayika yarabivuze, it’ Ihindura abamarayika bayo imiyaga, Abasavyi bayo ibahindura imbeya z’umuriro.

Bibiliya mu Kirundi coroshe

⁷ Ku bijanye n’abamarayika, yavuze iti: “Abamarayika bayo ibahindura imiyaga, abakozi bayo ikabagira imbeya z’umuriro.”

Abaheburayo 1:7 ပူးပေါင်းရင်းမြစ်များ

Itanguriro 3:24

Nuko yirukana uwo muntu; kandi mu ruhande ruhera i burasirazuba rw’iryo tongo ryo muri Edeni, ahashira Abakerubi, bo n’inkota yaka umuriro, itangatanze impande zose, ngw itangīre inzira ija kuri ca giti c’ubugingo.

1 Abami 22:19

Mikaya arongera, ati None rero ni wumve ijambo ry’Uhoraho: mbonye Uhoraho avyagiye ku ntebe yiwe, ingabo zose zo mw ijuru zimuhagaze i buryo n’i bumoso.

2 Abami 2:11

Hanyuma bakiriko baragenda bayāga, bagize bartya, umukogote w’umuriro n’amafarasi y’umuriro birabatandukanya; Eliya adūganwa mw ijuru n’agashururu.

2 Abami 6:17

Maze Elisa arasenga, at’ Uhoraho ndakwinginze, muhumūre amaso, arābe. Nuk’ Uhoraho ahumūra amaso y’uwo musore, ararāba, abona umusozi wuzuyekw amafarasi n’imikogote vy’umuriro bikikije Elisa.

Zaburi 104:4

Uhindura abamarayika bawe imiyaga, Abasavyi bawe ubahindura umuriro waka.

Yesaya 6:2

Abaserafi bari bahagaze hejuru yiwe: umuserafi wese yar’ afise amababa atandatu: abiri yayatwikiriza mu maso, yandi abiri yayatwikiriza ibirenge, yandi abiri yarayagurukisha.

Daniyeli 7:10

Uruzi rw’ umuriro rwiburuka ruva imbere yiwe; ibihumbi n’ibihumbi baramukorera, kand’ amasinzi n’amasinzi bari bahagaze imbere yiwe. Imanza zirashingwa, ibitabo birazingururwa.

Zekariya 6:5

Umumarayika aranyishura, at’ Ivyo n’imiyaga ine yo mw ijuru, ivuye gushengerera Nyen’ isi yose.

Abaheburayo 1:14

Mbeg’ abamarayika bose s’impwemu ziyikorera, zitumwa gukora igikorwa kubg’ abazoragwa agakiza?