2 Samweli 8:6 - Bibliya Yera 1951 1967 (Burundi)

⁶ Araheza akwiragiza amaboma mu gihugu c’i Siriya gikūkira i Damasiko; nukw Abasiriya baba abatwarwa ba Dawidi, bakāma bamuzanira amarari. Nuk’ Uhoraho yahora aha Dawidi intsinzi aho yaja hose.

2 Samweli 8:6 ပူးပေါင်းရင်းမြစ်များ

2 Samweli 10:19

Maz’ abami bose baganzwa na Hadadezeri, babonye ko baneshejwe n’Abisirayeli, barabīsaba, bemera kuganzwa na bo. Nukw Abasiriya batinya gusubira gutabara Abamoni ukundi.

2 Samweli 23:14

Ico gihe Dawidi yari mw isenga, kandi har’ insago z’Abafilisitiya i Betelehemu.

2 Samweli 3:18

none rero ni mubirāngūre; kuk’ Uhoraho yavuze ivya Dawidi, ng’ Umusavyi wiwe Dawidi ni we azokiza abantu biwe Abisirayeli, abakūre mu maboko y’Abafilisitiya no mu y’abansi babo bose.

2 Samweli 5:10

Nuko Dawidi arushiriza kuba agahambaye, kuk’ Uhoraho Imana Nyen’ ingabo yari kumwe na we.

2 Samweli 7:9

uti Kandi yagendana nawe aho waja hose, ut’ Arandura abansi bawe bose imbere yawe; uti Kand’ azoguha izina rya rurangiranwa, nk’ukw abandi bahambaye bo mw isi bayafise.

2 Samweli 8:14

Nukw ashira amaboma mu gihugu c’Abanyedomu, ayakwiragiza muri Edomu hose. Abanyedomu bose baca baba abatwarwa ba Dawidi. Nuk’ Uhoraho yahora aha Dawidi intsinzi aho yaja hose.

2 Samweli 8:2

Maz’ anesha Abanyamowabu, abarambika hasi mu mirongo, abageresha umugozi: agera imirongo ibiri, iba iyo kwicwa, uwa gatatu wose uba uwo guhangazwa. Nukw Abanyamowabu baca baba abatwarwa ba Dawidi, bakāma bamuzanira amarari.

2 Samweli 8:7

Kandi Dawidi yari yaranyaze abantu ba Hadadezeri inkinzo z’izahabu bari bafise, azijana i Yerusalemu.

1 Abami 4:21

Kandi Salomo yaganza ibihugu vyose vy’abami, uhereye kuri rwa ruzi Efurate, ugashitsa ku gihugu c’Abafilisitiya ukagarukira ku rubibe rwa Egiputa, bakāma bamuzanira amashikanwa, bakamusaba, igihe cose yabaye ku ngoma.

2 Abami 1:1

Ahabu amaze gutanga, Abanyamowabu bagarariza Abisirayeli.

2 Abami 14:28

Nukw ibindi vyose vyadonzwe kuri Yerobowamu, n’ivyo yakoze vyose, n’ivy’ ubuhizi bgiwe, n’ingene yarwanye intambara, n’uburyo yagaruriye Ubgisirayeli i Damasiko n’i Hamati, ahanyaze Abayuda, none ntivyanditswe mu gitabo c’ivyo ku ngoma z’abami b’Abisirayeli?

2 Abami 18:7

Kand’ Uhoraho yabana na we, akagira ukuboko kwiza aho yaja hose. Bukeye agarariza umwami w’i Ashuri, ntiyaba akimusaba.

2 Abami 3:4

Kandi Mesha umwami w’i Mowabu yar’ umutunzi w’intama; yama ashikanira umwami w’Abisirayeli ubgoya bukemuwe ku bana b’intama ibihumbi ijana, n’ubg’ amapfizi y’intama ibihumbi ijana nyene.

1 Ivyo ku Ngoma 18:13

Nukw akwiragiza amaboma muri Edomu, Abanyedomu bose baca baba abatwarwa ba Dawidi. Nuk’ Uhoraho yahora aha Dawidi intsinzi aho yaja hose.

2 Ivyo ku Ngoma 17:2

Ashira ingabo mu bisagara vyose vy’i Buyuda bizitiriwe inzitiro z’amabuye, akwiragiza amaboma mu gihugu c’i Buyuda no mu bisagara vy’i Bgefurayimu, ivyo se Asa yihesheje umuheto.

Zaburi 140:7

Uhoraho, Bgirukiro we, nkomezi z’agakiza kanje, Ni wewe ukīngira umutwe wanje ku musi w’intambara.

Zaburi 60:10

Si wewe uzonshikanayo ga Mana yadutaye? Si wewe uzonshikanayo ga Mana itajana n’ingabo zacu?

Imigani 21:31

Ifarasi itegurirwa umusi w’ intambara, Arik’ ukunesha kuva k’Uhoraho.

1 Samweli 13:3

Bukeye Yonatani atera abo mu nsago z’ Abafilisitiya i Geba, arabatsinda; abandi Bafilisitiya baravyumva. Maze Sauli avugisha inzamba mu gihugu cose, kugira ngw Abaheburayo bavyumve.

1 Samweli 14:1

Umusi ur’ izina, Yonatani mwene Sauli abarira umuhungu yamutwaza ibirwanishwa, ati Ngwino tujabuke tuje ku nsago z’Abafilisitiya hakurya. Ariko ntiyabibarira se.

1 Samweli 14:15

Maze haba gucika ivutu aho bashagaje n’inyuma yaho, mbere no mu ngabo zose; abo mu nsago na ba banyazi na bo bagwa mu gatengo; isi na yo iratigita, haba gucika ivutu gutewe n’Imana.

1 Samweli 14:6

Yonatani ni kwo kubarira uwo muhungu yamutwaza ibirwanishwa, ati Ngwino tujabuke tuje ku nsago za ziriya ntakebga; kumbure Uhoraho har’ ico yodukorera, kukw ata cobuza Uhoraho gukiza, atumye benshi canke bake.