2 Samweli 8:3 - Bibliya Yera 1951 1967 (Burundi)

³ Bukeye Dawidi anesha n’ umwami w’i Zoba, Hadadezeri mwene Rehobu, igihe Hadadezeri yaja gusubira kugandura igihugu yaganza co ku ruzi Efurate.

2 Samweli 8:3 ပူးပေါင်းရင်းမြစ်များ

Itanguriro 15:18

Kur’ uwo musi nyene Uhoraho asezeranira Aburamu isezerano, at’ Uhereye ku ruzi rwo muri Egiputa, ugashitsa ku ruzi runini ari rwo Efurate, uruvyaro rwawe ndaruhaye iki gihugu,

2 Samweli 10:15

Bukeye Abasiriya babonye ko baneshejwe n’Abisirayeli, barakorakorana.

2 Samweli 10:16

Maze Hadadezeri atuma no ku Basiriya bo hakurya y’uruzi Efurate, baza i Helamu, Shobaki umugabisha w’ingabo za Hadadezeri abagiye imbere.

2 Samweli 10:19

Maz’ abami bose baganzwa na Hadadezeri, babonye ko baneshejwe n’Abisirayeli, barabīsaba, bemera kuganzwa na bo. Nukw Abasiriya batinya gusubira gutabara Abamoni ukundi.

2 Samweli 10:6

Maz’ Abamoni babonye ko bateye Dawidi akayigo, batuma ku Basiriya b’i Beti‐rehobu n’ab’i Zoba, babaha impēra ngo babahe ingabo ibihumbi mirongwibiri, bahēra n’umwami w’i Mayaka, azana ingabo igihumbi, n’iz’ i Tobu ibihumbi cumi na bibiri.

2 Samweli 23:36

na Igali mwene Natani w’i Zoba, na Bani w’Umugadi;

1 Abami 4:21

Kandi Salomo yaganza ibihugu vyose vy’abami, uhereye kuri rwa ruzi Efurate, ugashitsa ku gihugu c’Abafilisitiya ukagarukira ku rubibe rwa Egiputa, bakāma bamuzanira amashikanwa, bakamusaba, igihe cose yabaye ku ngoma.

1 Ivyo ku Ngoma 18:3

Bukeye Dawidi anesha n’ umwami w’i Zoba, Hadadezeri, hafi y’i Hamati, igihe Hadadezeri yaja kugandura igihugu yaganza co ku ruzi Efurate.

2 Ivyo ku Ngoma 8:3

Maze Salomo atera i Hamati‐zoba, arahanesha.

Zaburi 60:1

Mana, uradutaye, uradusambuye: Wararatse; n’udusubizemw’ intege.

Zaburi 72:8

Azoganza uhereye ku kiyaga ugashitsa ku kiyaga kindi, Kand’ uhereye kuri rwa Ruzi, ugashitsa ku mpera y’isi.

Kuvayo 23:31

Nzobashirirah’ urugabano guhēra ku Kiyaga Gitukura gushitsa ku kiyaga c’Abafilisitiya, no guhēra ku bugaragwa gushitsa ku ruzi Efurate; kukw ababa mur’ ico gihugu nzobashira mu maboko yanyu, mubirukane.

Gusubira mu Vyagezwe 11:24

Ahantu hose muzokandagiza ibirenge hazoba ahanyu; urugabano rwanyu ruzohēra ku bugaragwa rushike i Lebanoni, ruhēre no kuri rwa ruzi, ari rwo Efurate, rushike ku kiyaga c’i burengerazuba.

1 Samweli 14:47

Sauli amaze kuja ku ngoma ngw aganze Abisirayeli, arwanya abansi biwe bose impande zose, Abanyamowabu n’Abamoni n’ Abanyedomu, n’abami b’i Zoba, n’Abafilisitiya; yagenda anesha aho yatumbera hose.