2 Samweli 8:18 - Bibliya Yera 1951 1967 (Burundi)

¹⁸ Benaya mwene Yehoyada ni we yagabisha Abakereti n’Abapeleti; kandi bene Dawidi bār’ abakuru b’igihugu.

2 Samweli 8:18 ပူးပေါင်းရင်းမြစ်များ

2 Samweli 15:18

Nukw abantu biwe bose bamuca imbere; kand’ Abakereti n’Abapeleti bose, n’Abanyegati bose ukw ar’ amajana atandatu bāri bavuye i Gati bamukurikiye, na bo baca imbere yiwe.

2 Samweli 20:23

Kandi Yowabu yar’ umugabisha w’ingabo zose z’Abisirayeli; Benaya mwene Yehoyada ni we yagabisha Abakereti n’Abapeleti;

2 Samweli 20:26

Ira w’Umuyayiri na we yar’ umujenama mukuru wa Dawidi.

2 Samweli 20:7

Nukw ingabo za Yowabu n’ Abakereti n’Abapeleti n’abahizi bose bakurikira Abishayi; bava i Yerusalemu baja guhīga Sheba mwene Bikuri.

1 Abami 1:38

Nuko Sadoki umuherezi n’ ūvugishwa n’Imana Natani na Benaya mwene Yehoyada n’Abakereti n’Abapeleti bamanukana Salomo, bamushize ku nyumbu y’ umwami Dawidi, bamujana i Gihoni.

1 Abami 1:44

Kand’ umwami yarungitse Sadoki umuherezi n’ūvugishwa n’ Imana Natani na Benaya mwene Yehoyada, bo n’Abakereti n’Abapeleti, bajana na we bamushize ku nyumbu y’umwami;

1 Abami 1:8

Ariko Sadoki umuherezi na Benaya mwene Yehoyada na Natani uwavugishwa n’Imana na Shimeyi na Reyi na ba bahizi ba Dawidi, ntibāfatanya na Adoniya.

1 Abami 2:25

Nuk’ umwami Salomo arungika Benaya mwene Yehoyada, amutsindaho, arapfa.

1 Abami 4:4

Benaya mwene Yehoyada yar’ umugabisha w’ ingabo; Sadoki na Abiyatari ni bo bar’ abaherezi;

1 Abami 4:5

Azariya mwene Natani yar’ umukuru w’ abamenyekana; Zabudi mwene Natani nyene yar’ umuherezi kandi yar’ umukunzi w’umwami;

2 Abami 11:4

Mu mwaka ugira indwi, Yehoyada atuma ku bagabisha bagaba ijana‐ijana bo mu Bakariti no mu bashibamyi, avuga ko baza iy’ ari mu ngoro y’Uhoraho; araheza asezerana na bo isezerano, abākira indahiro aho nyene mu ngoro y’ Uhoraho; maz’ abereka uwo mwana w’umwami.

1 Ivyo ku Ngoma 11:22

Kandi na Benaya mwene Yehoyada, umuntu w’umuhizi w’i Kabuseli, na we yari yarakoze ivy’ ubutōre; ni we yishe bene Ariyeli w’i Mowabu; kandi yaramanutse yicira intambge mw isenga, ku musi shelegi yar’ iguye.

1 Ivyo ku Ngoma 18:17

Benaya mwene Yehoyada ni we yagabisha Abakereti n’Abapeleti; kandi bene Dawidi bār’ abajenama bakuru b’umwami.

EZEKIYELI 25:16

nuko rero, uku ni k’Umwami Uhoraho agize, ati Nzobangurira ukuboko kwanje ku Bafilisitiya, ndandure n’Abakereti, ngeseze n’amasigarira yo mu kiyaya c’ikiyaga.

Zefaniya 2:5

Bazobona ibara, ababa mu biyaya vyo ku kiyaga, ihanga ry’Abakereti! Ijambo ry’Uhoraho rirakujinjibuye, ewe Kanani, wa gihugu c’Abafilisitiya; azoguhonnya, ntihagire n’ umwe asigara akubamwo.

1 Samweli 30:14

Twari twateye i bumanuko mu Bakeriti, dutera n’i Buyuda, n’i bumanuko mu bga Kalebu, duturira n’i Sikulagi.