2 Samweli 6:7 - Bibliya Yera 1951 1967 (Burundi)

⁷ Maz’ uburake bg’Uhoraho buziriringira Uza, aca amutsinda aho nyene, amuhōye ico gicumuro, agwa ngah’ i ruhande y’isandugu y’ Imana.

2 Samweli 6:7 ပူးပေါင်းရင်းမြစ်များ

2 Samweli 6:8

Bibabaza Dawidi k’ Uhoraho yahwikiye Uza; aho hantu haca hitwa Peresi‐uza, kugeza na bugingo n’ubu.

1 Ivyo ku Ngoma 13:10

Maz’ uburake bg’ Uhoraho buziriringira Uza, aca amutsinda aho nyene, kuko yarāmvuye ukuboko ngw afate iyo sandugu; nukw agwa ngah’ imbere y’Imana.

1 Ivyo ku Ngoma 15:13

kuko bga bundi mutāyireruye, ni co catumye Uhoraho Imana yacu aduhwikira, kuko tutayigenjeje nk’uko vyashinzwe.

1 Ivyo ku Ngoma 15:2

Aravuga, ati Ntihaze hagire umuntu wundi arerura isandugu y’Imana atar’ Abalewi, kukw ari bo Uhoraho yatoranije kwama bayirerura, no kumukorera imisi yose.

Guharūra 1:51

Kandi mu kurishingūra rigeze kugenda, Abalewi abe ari bo barishingūra, kand’ iyo hageze gushinga, Abalewi abe ari bo barishinga: kandi ni hagira uwundi wese atar’ uwo muri bo yovyēgēra akavyitamwo, aze yicwe.

Guharūra 4:15

Maze Aroni n’abana biwe ni baheza gutwikira ivy’ Ahēra n’ibintu vyaho vyose, igihe hageze guhaguruka ngo mugende, hanyuma aba Kohati babone kuza kubirerura; ariko ntibaze bakore ku vyēra, kuko bopfa. Ivyo ni vyo aba Kohati bagerewe kurerura vyo mu vy’ihema ry’ibonaniro.

1 Samweli 25:38

Hahise imisi nk’ icumi, Uhoraho akubita Nabali, arapfa.

1 Samweli 6:19

Hanyuma Uhoraho yica abantu b’i Beti‐shemeshi mirongwirindwi, kuko barungurutse mw isandugu yiwe; maz’ abantu barizwa n’uk’ Uhoraho yabiciye abantu benshi.