2 Samweli 5:6 - Bibliya Yera 1951 1967 (Burundi)

⁶ Igihe umwami Dawidi yaja i Yerusalemu n’ingabo ziwe gutera Abayebusi, ari bo bamye ar’ inyamo z’ico gihugu, Abayebusi baramubarira, bati Ntuzopfa ushitse ngaha, kuko naho boba impumyi n’ibimuga bokwiyamiriza! Kuko bari bibgiye, bati Dawidi ntiyoshobora gushika ino.

2 Samweli 5:6 ပူးပေါင်းရင်းမြစ်များ

Itanguriro 14:18

Kandi Melekisedeki umwami w’i Salemu, umuherezi w’Imana Isumba vyose, azana imitsima na vino.

2 Samweli 22:30

Kukw ari wewe unshoboza gutera umuce w’ingabo, Kand’ ar’ Imana yanje inshoboza gusimba uruzitiro rw’ amabuye.

Imigani 21:22

Umunyabgenge yūrira inzitiro z’igisagara c’abahizi, Agasangangura ibikomeye bāri bizigiye.

Yeremiya 21:13

Rāba nzohigūra nawe, wewe gisagara cubatswe ku mushasha, ku gitandara co mu kiyaya, ni jewe Uhoraho mbivuze; yemwe abavuga, muti Ni nde yorinduka kumanuka ngw adutere? Canke ni nde yoshika mu ngo zacu?

Yeremiya 37:10

Kuko naho mwotikiza ingabo zose z’Abakaludaya babarwanya, hagasigaramw’ abakomeretse basa, na ho nyene bova hasi, umuntu wese aho yar’ ari mw ihema ryiwe, bagatongoza iki gisagara umuriro.

Abaheburayo 7:1

Melekisedeki uyo, umwami w’i Salemu, umuherezi w’Imana isumba vyose, ni we yasanganiye Aburahamu, aramuhezagira, hamwe Aburahamu yatabaruka, avuye kunesha abami,

Yosuwa 10:3

Nuko Adonisedeki umwami w’i Yerusalemu aca atuma kuri Hohamu umwami w’i Heburoni, no kuri Piramu umwami w’i Yaramuti, no kuri Yafiya umwami w’i Lakishi, no kuri Debira umwami w’i Eguloni;

Yosuwa 15:63

Arikw Abayebusi bo, ari bo bāba i Yerusalemu, Abayuda ntibāshoboye kubirukana; ariko bībēra i Yerusalemu mu Bayuda gushitsa n’ubu.

Yosuwa 18:28

na Sela na Elefu na Yebusi (ari ho Yerusalemu) na Gibeyati na Kiriyati: ivyo bisagara vyose na vyose vyar’ icumi na bine, bifise imihana ibikūkira. Iyo ni yo shamvu y’Ababenyamini, nk’ukw amazu yabo ari.

Abacamanza 1:21

Arikw Ababenyamini ntibirukanye Abayebusi bāba i Yerusalemu; nukw Abayebusi babana n’Ababenyamini i Yerusalemu gushitsa na bugingo n’ubu.

Abacamanza 1:8

Maz’ Abayuda batera Yerusalemu, barahatsinda, baharanduza inkota; ico gisagara bagiha impumbi.