2 Samweli 3:31 - Bibliya Yera 1951 1967 (Burundi)

³¹ Dawidi araheza abarira Yowabu n’abari kumwe na we bose, ati Ni mwitantamurirekw impuzu zanyu, mukenyere amagunira, muririre i ruhande ya Abuneri. Maz’ umwami Dawidi akurikira ikigagara ciwe.

2 Samweli 3:31 ပူးပေါင်းရင်းမြစ်များ

Itanguriro 37:29

Reyubeni agaruka kuri rwa rwobe, asanga Yosefu atarimwo; yitantamurirakw impuzu ziwe.

Itanguriro 37:34

Yakobo yitantamurirakw impuzu ziwe, akenyera amagunira, amara imisi myinshi agandariye umwana wiwe.

2 Samweli 1:11

Maze Dawidi afata impuzu ziwe, azītantamurirako, n’abantu bose bari kumwe na we bagira kuno;

2 Samweli 1:2

ku musi ugira gatatu haza umuntu avuye aho Sauli yar’ ashagaje, yitantamuriyekw impuzu ziwe, yiyoreye ivu mu mutwe; ashitse imbere ya Dawidi akubita inkoro hasi, aramwunamira.

1 Abami 20:31

Maz’ abamenyekana biwe baramubarira, bati Twumvise kw abami b’Abisirayeli ar’ abami b’ abanyakigongwe; enda rero ni dukenyere amagunira, twīte ibiyonzoyonzo mw izosi, dusokoroke tuje ku mwami w’Abisirayeli; kumbure yoguhangaza.

1 Abami 21:27

Maze Ahabu yumvise ayo majambo, aca yitantamurirakw impuzu ziwe, yambara amagunira, arisonzesha, aryama mu magunira nyene, agenda yifumbereje.

2 Abami 19:1

Maz’ umwami Hezekiya avyumvise, yitantamurirakw impuzu ziwe, yambara amagunira, yinjira mu ngoro y’Uhoraho.

2 Abami 19:2

Maz’ atuma Eliyakimu umuzezwarugo, na Shebuna umukarani, n’abakuru bo mu baherezi, bambaye amagunira, k’ūvugishwa n’Imana Yesaya mwene Amosi.

Luka 7:14

Yigira hafi y’ikigagara, agikorako, abahamvyi barahagarara. Aravuga, ati Muhungu, ndakubariye nti Vyuka.

Yosuwa 7:6

Yosuwa na we yitantamurirakw impuzu ziwe, yitembagaza imbere y’isandugu y’Uhoraho ashitsa ku mugoroba, bo n’abakuru b’Abisirayeli, bīsūrirakw imikungugu ku mitwe.

Ivyahishuwe 11:3

Kand’ abanshingira intahe babiri nzobavugisha, bazovugishwa imisi igihumbi n’amajana abiri na mirongwitandatu bambaye amagunira.

Abacamanza 11:35

Amubonye, yitantamurirakw impuzu ziwe, ati Mbonye ibara, mwana wanje! Urambabaje, ungiriye nabi! Kuko navyīkūriye mu kanwa, nkabibarira Uhoraho, none sinshobora kwivuguruza.