2 Samweli 24:6 - Bibliya Yera 1951 1967 (Burundi)

⁶ Maze baja i Gileyadi no mu gihugu c’i Tahatimu‐hodishi, baja n’i Dani‐yani, barazenguka baja i Sidoni,

2 Samweli 24:6 ပူးပေါင်းရင်းမြစ်များ

Itanguriro 10:15

Kanani yavyaye imfura yiwe Sidoni, akurikizako Heti:

Itanguriro 31:21

Nukw acikana ivyo yar’ afise vyose; arīkora, ajabuka uruzi, agenda atumbereye umusozi w’i Gileyadi.

Guharūra 32:1

Abareyubeni n’Abagadi bari bafise ibitayega vy’isinzi. Babonye igihugu c’i Yazeri n’ic’i Gileyadi kw ar’ ahantu h’amaragiro meza,

Guharūra 32:39

Aba Makiri mwene Manase baja i Gileyadi, barahatsinda, birukana Abamori bāhaba.

Yosuwa 11:8

Uhoraho abagabura mu maboko y’Abisirayeli, barabanesha, barabakinagiza, babashitsa ku gisagara kinini Sidoni n’i Misirefoti‐mayimu no mu kiyaya c’i Misipe ahahera i burasirazuba; barabica ntibasiga n’uwa kirazira.

Yosuwa 19:28

n’i Eburoni n’i Rehoba n’i Hamoni n’i Kana, gushika no kuri ca gisagara kinini Sidoni;

Yosuwa 19:47

Maz’ igihugu c’Abadani kibāgiye, baradūga, batera i Leshemu, barahatsinda, baharanduza inkota, baca barahegukira, barahaba; maze Leshemu bahīta Dani, bahītiranije na sekuruza wabo Dani nyene.

Abacamanza 1:31

N’Abasheri na bo ntibirukanye ababa ahitwa Ako, cank’ ababa i Sidoni, cank’ ab’i Ahulaba, cank’ ab’i Akuziba, cank’ ab’i Heliba, cank’ ab’i Afeka, cank’ ab’i Rehobu;