2 Samweli 24:22 - Bibliya Yera 1951 1967 (Burundi)

²² Arawuna yishura Dawidi, ati Mwami wanje nyen’ ingoma, twara ivy’ ugomba vyose, ubitange: eh’ inka ngizo z’ikimazi co kwosa, n’ibisekuzo zikoresha n’ ingōgo zazo mubigire inkwi:

2 Samweli 24:22 ပူးပေါင်းရင်းမြစ်များ

Itanguriro 23:11

ati Mushingantahe, oyaye, enda umviriza: iryo tongo ndariguhaye, bo n’isenga irimwo ndayiguhaye; mbiguhereye imbere y’ubgoko bgacu: hamba umuntu wawe.

1 Abami 19:21

Nukw areka kumukurikira, asubira inyuma, ahitana inka zibiri zisangiye ingōgo, arazibāga, atekesha inyama zazo ibiti vy’ingōgo zazo, agaburira abantu, bararya. Araheza ava hasi, akurikira Eliya, agenda aramukorera.

1 Ivyo ku Ngoma 21:22

Maze Dawidi abarira Orunani, ati Mpa aha hantu har’ ikibuga, ndahubakire Uhoraho igicaniro; tuhagure igiciro kihamaze, kugira ngw ikīza kive mu bantu.

Abacamanza 6:26

uheze unyubakire igicaniro kur’ iki gitandara, jewe Uhoraho Imana yawe, mu buryo bushinzwe, ujane ya mpfizi ya kabiri uyitange kw ikimazi co kwoswa, ucanirize inkwi za ya nkingi ya Ashera uzoba watemaguye.

1 Samweli 6:14

Nuk’ uwo mukogote uraza, ushikira mu murima wa Yosuwa w’i Beti‐shemeshi, uhagararaho. Kand’ aho hantu hār’ ikibuye kinini. Baraheza basatagura uwo mukogote mw inkwi, bazitangirakw izo nka kw ikimazi co kwosereza Uhoraho.