2 Samweli 24:17 - Bibliya Yera 1951 1967 (Burundi)

¹⁷ Dawidi abonye uwo mumarayika yageseza abantu, abarira Uhoraho, at’ Erega ni jewe nacumuye, ni jewe nakoze nabi; arikw izi ntama zo zakoze iki? Ndakwinginze, ukuboko kwawe abe ari jewe kurwanya, bo n’inzu ya data.

2 Samweli 24:17 ပူးပေါင်းရင်းမြစ်များ

Itanguriro 18:23

Maze Aburahamu aramwegera, aramubaza, ati Mbega none worandurana abagororotsi n’abanyavyaha?

Itanguriro 44:33

None rero ndakwinginze, ndasavye nsigare mu gishingo c’uyu muhungu, mbe umuja wawe, mugenzi; uyu muhungu atahane na bagenzi be.

2 Samweli 12:13

Maze Dawidi yishura Natani, ati Nacumuye k’Uhoraho. Natani aramwishura, ati Noneho Uhoraho yagukūyekw icaha cawe, ntugipfuye.

2 Samweli 24:10

Ariko Dawidi amaze guharūra abantu, yumva umutima umukubita. Abarira Uhoraho, ati Nācumuye cane ku vyo nakoze; ariko none, Uhoraho, ndakwinginze, kūrah’ ibigabitanyo vyanje, jewe umusavyi wawe, kuko nakoze ivy’ ubujuju rwose.

2 Samweli 7:8

Nuko rero, ukw abe ari k’ubarira umusavyi wanje Dawidi, ut’ Uhoraho Nyen’ ingabo, uku ni kw agize, uti Yagukūye mu bgungere, inyuma y’intama, ng’ ube segaba w’abantu biwe b’Abisirayeli;

1 Abami 22:17

Aramwishura, ati Mbonye Abisirayeli bose basābagiye ku misozi nk’intama zitagira umwungere; kand’ Uhoraho agize ngo Bariya n’abatagira shebuja; ni basubire i wabo, umuntu wese yīgīre amahoro.

Yobu 42:6

Ni co kinteye kwizinukwa, nkihana Nigaragura mu mukungugu no mu munyota.

Yobu 7:20

Namba narakoze icaha, wewe nagutwaye iki ga Ngenzuzi y’abantu? N’iki gituma unshinga nk’ uruti rw’icumu utīmba, Bigatuma nirambirwa?

Zaburi 32:5

Nakwemereye icaha canje, sinatwikiriye ukugabitanya kwanje; Naravuze, nti Ndāturira Uhoraho ibicumuro vyanje: Nawe umparira ukugabitanya kw’icaha canje. Sela.

Zaburi 44:11

Wadutanze nk’intama z’imbāgwa, Wadushwiragirije mu mahanga.

Zaburi 74:1

Mana, n’iki catumye uduca tukaba ruhebga? N’iki gituma uburake bgawe bupfunduka nk’umwotsi, ubgo urakira intama zo mu canya cawe?

Zaburi 78:71

Imukūra mu gushorera intama zonsa, Kugira ngw aragire aba Yakobo abantu bayo, Abisirayeli ishamvu yayo.

Kuvayo 10:16

Farawo ni kwo guhamagaza Mose na Aroni vuba; arababarira, ati Nacumuye k’Uhoraho Imana yanyu no kuri mwebge.

Yesaya 6:5

Maze ndavuga, nti Mbonye ibara, ndapfuye; kuko nd’ umunyaminwa yanduye, kandi mba hagati y’ubgoko bufise iminwa yanduye; kukw amaso yanje abonye Umwami, Uhoraho Nyen’ ingabo.

Yona 1:12

Arabishura, ati Ni munterure, munte mu kiyaga, ni ho ikiyaga cobabera agahwekere; kuko nzi yukw iki gihuhuta c’inkomezi kibahōra jewe.

Zekariya 13:7

Ikangure, wa nkota we, urwanye umwungere wanje, urwanye umuntu mugenzanje, ni k’Uhoraho Nyen’ ingabo agize; kubita umwungere, intama zisanzare; kandi n’imyagazi nzoyihindurirak’ ukuboko kwanje.

Guharūra 16:22

Baca barapfukama barūnama, bati Mana, yewe Mana y’impwemu z’abari n’umubiri bose, umuntu umwe akoze icaha, mbega woca urakira ishengero ryose?