2 Samweli 22:48 - Bibliya Yera 1951 1967 (Burundi)

⁴⁸ Ni yo Mana impōra, Ikangandūrira amahanga nkayaganza.

2 Samweli 22:48 ပူးပေါင်းရင်းမြစ်များ

2 Samweli 18:19

Maze Ahimasi mwene Sadoki aravuga, ati Ndeka niruke mbarire umwami inkuru z’ingen’ Uhoraho yashubirije abansi biwe mu nkōko.

2 Samweli 18:31

Wa Munyekushi aca ashika ubgo nyene, aravuga, ati Nkuzaniye inkuru, mwami wanje nyen’ ingoma. Uyu musi Uhoraho yashubirije mu nkōko abāri baguhagurukiye bose.

2 Samweli 4:8

Maz’ uwo mutwe wa Ishibosheti bawushīra umwami Dawidi i Heburoni, baramubarira, bati Nguyu umutwe wa Ishibosheti umwana w’ umwansi wawe Sauli, yahora aguhīga; Uhoraho ashubirije Sauli mu nkōko, n’abana biwe, abaguhōye, mwami wacu nyen’ ingoma.

Zaburi 110:1

Uhoraho yabariye Umwami wanje, at’ Icara i buryo bganje, Ushitse aho nzohindurira abansi bawe indava y’ibirenge vyawe.

Zaburi 144:2

Ni we ndonkeramw’ imbabazi, kandi ni we gihome kinkīngira, Ni we munara wanje muremure, n’umurokozi wanje; Ni we nkinzo yanje n’uwo nizigira; Ni we angandurira abantu banje ngo ndabaganze.

Zaburi 94:1

Uhoraho, Mana Nyen’ uguhōra, Mana Nyen’ uguhōra, kayangana.

1 Korinto 15:25

Kuko guhangama azokwama ahangamye gushitsa ah’ azoshirira abansi biwe bose musi y’ibirenge vyiwe.

Gusubira mu Vyagezwe 32:35

Uguhōra n’ukwanje, nzobasubiriza mu nkōko Igihe ibirenge vyabo bizonyerera. Kuk’ umusi w’ivyago vyabo uri hafi, Kand’ ibigira bibazeko bizotebuka.

1 Samweli 24:12

Uhoraho n’aducire urubanza twe nawe, Uhoraho n’abe ari we azokumpōra; arik’ ukuboko kwanje ntikuzogukorako.

1 Samweli 25:30

Nuko mugenzi, Uhoraho ni yamara kugushitsakw ivyiza vyose yakuvuzeko, akaguhindura segaba w’Abisirayeli,

1 Samweli 25:39

Bukeye Dawidi yumvise ko Nabali yapfuye, aravuga, at’ Uhoraho ashemagizwe, yambūranye, akankūrakw ibitētērwa Nabali yari yanteye, agatako jewe umusavyi wiwe akambuza gukora icaha; kand’ inabi ya Nabali Uhoraho akayimusubiza ku mutwe. Hanyuma Dawidi atuma kuri Abigayili kumuresha ngw amucūre.