2 Samweli 22:36 - Bibliya Yera 1951 1967 (Burundi)

³⁶ Kandi wampaye inkinzo, ni yo gakiza kawe, Ukwicisha bugufi kwawe kwanshize hejuru.

2 Samweli 22:36 ပူးပေါင်းရင်းမြစ်များ

Itanguriro 12:2

Nanje nzoguhindura ubgoko bukomeye, nzoguha umugisha, izina ryawe ndarigire rurangiranwa; n’abandi baze bagire umugisha kubgawe.

Itanguriro 15:1

Hanyuma y’ivyo, ijambo ry’ Uhoraho riza kuri Aburamu nko mu nzozi, riti Aburamu, nta co utinya: ni jewe nkinzo yawe, uzohabga impēra ikomeye cane.

Itanguriro 22:17

eka mbere no kuguha umugisha nzowuguha, kandi no kugwiza nzogwiza uruvyaro rwawe, rungane n’inyenyeri zo kw ijuru, canke n’umusenyi wo mw isēsero ry’ikiyaga; kandi ruzokwegukira amarembo y’abansi barwo;

Zaburi 115:14

Uhoraho abagwize abūhīre, Abagwizanye n’abana banyu.

Zaburi 18:35

Kandi wampaye inkinzo, ni yo gakiza kawe, Ukuboko kwawe kw’i buryo kurandamira, Ukwicisha bugufi kwawe kwanshize hejuru.

Zaburi 84:11

Kuk’ Uhoraho Imana ar’ izuba, ar’ inkinzo; Uhoraho azotanga ubuntu n’ icubahiro: Ntazogira iciza na kimwe yima abagenda batunganye.

Abanyefeso 6:16

kandi hamwe n’ivyo vyose mwābīre inkinzo y’ukwizera, ni yo muzoshoboza kuzimisha imyampi ya wa Mubi yose yaka umuriro.

Abanyefeso 6:17

Mwābīre inkofero y’agakiza, bo n’inkota ya Mpwemu, ni yo jambo ry’Imana: