2 Samweli 22:31 - Bibliya Yera 1951 1967 (Burundi)

³¹ Imana yo, inzira yayo iratunganye rwose, Ijambo ry’Uhoraho ryaravugutiwe: Ni we nkinzo ikīngīra abamuhungirako bose.

2 Samweli 22:31 ပူးပေါင်းရင်းမြစ်များ

2 Samweli 22:3

N’Imana igitandara canje; ni we nzohungirako. Ni we nkinzo yanje, n’ihembe ry’agakiza kanje, n’ umunara wanje wo guhungiramwo, n’ubgugamo bganje; Ni wewe Mukiza wanje, unkiza umuryano w’abantu.

Nehemiya 9:8

wabonye umutima wiwe kw ar’ uwo kwizigirwa imbere yawe, usezerana na we isezerano ryo kuzoha uruvyaro rwiwe igihugu c’Abanyakanani n’ic’ Abaheti n’ic’ Abamori n’ic’ Abaferizi n’ic’ Abayebusi n’ic’ Abagirugashi; kand’ iryo sezerano wararishikije kuko wama ugororoka.

Yobu 34:10

Nuko rero ni munyumvirize, mwebge bantu bazi gutahura: Biragahera kw Imana yokora ivyaha, Īshobora vyose ko yokora ivy’ ukugabitanya.

Zaburi 119:140

Ijambo ryawe n’icuma kiramuye; Ni co gituma umusavyi wawe arikunda.

Zaburi 12:6

Amajambo y’Uhoraho n’icuma gihiye: Ameze nk’ifeza iramuriye mu ruganda rwo mw isi, Ivugutiwe ibihetangabo ndwi.

Zaburi 145:17

Uhoraho agororoka mu nzira ziwe zose, N’umunyabuntu mu bikorwa vyiwe vyose.

Zaburi 18:30

Imana yo, inzira yayo iratunganye rwose, Ijambo ry’Uhoraho ryaravugutiwe: Ni we nkinzo ikīngira abamuhungirako bose.

Zaburi 2:7

Ndavuga rya jambo rishinzwe: Uhoraho yarambgiye, at’ Ur’ Ubura bganje, Uyu musi ndakuvyaye.

Zaburi 35:2

Fata inkinzo nini na ntoya, Uhaguruke kugira ng’ untabare,

Zaburi 84:9

Mana, nkinzo yacu, ehe rāba: Witegereze mu maso y’Uwo warobanuje amavuta.

Zaburi 91:4

Izokubundikira mu moya yayo, Kand’ uzohungira musi y’ivyubi vyayo; Ukuri kwayo n’inkinzo n’icuma co kwīkīngiriza.

Imigani 30:5

Ijambo ryose ry’Imana riravugutiwe: Ni yo nkinzo y’abayizigira.

Umusiguzi 3:14

Ndazi yukw ico Imana ikora cose kizokwamaho: nta kintu gishobora kwongerwa kuri co, kandi nta kintu gishobora gukūrwa kuri co: Imana ni yo yagikoze, kugira ngw abantu bayubahe.

Daniyeli 4:34

Igihe cashinzwe kirangiye, jewe Nebukadineza nunamurira amaso yanje mw ijuru, akenge karagaruka, nca mpimbaza Īsumba vyose, kandi nshima Ībaho ibihe bitazoshira, ndayubaha; kukw ingoma yayo ar’ ingoma itazohangūra, kand’ ubgami bgayo buzohangama ukw ibihe bikūranwa.

Daniyeli 4:37

Noneho jewe Nebukadineza nshima Umwami wo mw ijuru, ndamutazira, ndamwubaha; kukw ibikorwa vyiwe vyose ar’ ivy’ ukuri, kand’ inzira ziwe ar’ iziroranye; arikw abagendera mu bgibone ashobora kubacisha bugufi.

Matayo 5:48

Mwebge ni mube agahore, nk’uko So wo mw ijuru ar’ agahore.

Gusubira mu Vyagezwe 32:4

Ico Gitandara, igikorwa ciwe n’agahore; Kand’ inzira ziwe zose ziragororotse. N’Imana yo kwizigirwa, itarimwo kugabitanya, Iroranya, kandi y’Inyakuri.

Ivyahishuwe 15:3

Baririmba indirimbo ya Mose umusavyi w’Imana, n’indirimbo ya wa Mwagazi, bat’ Ibikorwa vyawe birahambaye kandi biratangaza, Mwami Mana ushobora vyose; inzira zawe n’iz’ ukugororoka n’ukuri, Mukama w’amahanga.