2 Samweli 22:28 - Bibliya Yera 1951 1967 (Burundi)

²⁸ Abacishijwe bugufi uzobakiza, Arikw igitsure cawe kiri ku bībone, kugira ng’ ubasubize hasi.

2 Samweli 22:28 ပူးပေါင်းရင်းမြစ်များ

Zaburi 12:5

Kubgo kunyagwa kw’umugorwa, kubgo kwitsa umutima kw’umukene, Ubu nyene ndahaguruka, ni k’Uhoraho agize, Ndashira uwo bakanira ahatagira inkomanzi.

Zaburi 131:1

Uhoraho, umutima wanje ntiwibona, kand’ amaso yanje ntiyishira hejuru; Kandi sinishira mu vyo ntagezwemwo, Canke mu bitangaza bindengeye.

Zaburi 138:6

Kuko nah’ Uhoraho ahambaye, ashira umutima ku bafafara, Arikw abībone abamenyera kure.

Zaburi 140:12

Ndazi yuk’ Uhoraho azohagarikira impahazwa mu mibūrano, N’umukene azomuhagarikira mu manza.

Kuvayo 10:3

Mose na Aroni baja kwa Farawo, baramubgira, bat’ Uku ni k’ Uhoraho, Imana y’Abaheburayo, agize, ng’ Uzogeza ryari kwanka kwicisha bugufi imbere yiwe? Ngo Reka abantu biwe, bagende bamusabe.

Kuvayo 18:11

Noneho mmenye yuk’ Uhoraho aruta izindi mana zose, ko yatsinze Abanyegiputa bāhora babihayagizako.

Imigani 21:4

Ijisho ry’agakēngērwe n’umutima w’ubgibone Bo n’itara ry’abanyakibi n’ icaha.

Yesaya 2:17

Kand’ agakēngērwe k’abantu kazosubizwa hasi, n’ubgibone bg’abahambaye buzocishwa bugufi, Uhoraho wenyene ni we azoba ashizwe hejuru kur’ uwo musi.

Yesaya 37:23

Uwo watonganije ukamurogotako ni nde? Ni nde wirahiye akararamango ukamurābana agakēngērwe? Erega ni jewe Uwera w’Abisirayeli.

Yesaya 5:15

Abantu bazosubizwa hasi, abahambaye bacishwe bugufi, abībone bacurike amaso hasi:

Yesaya 63:9

Yababaranye na bo mu mibabaro yabo yose, kand’ umumarayika yama ahagaze mu nyonga ziwe yarabakiza: urukundo rwiwe n’ikigongwe ciwe ni vyo vyamuteye kubacungura; yarabaterura akabaheka imisi yose ya kera.

Daniyeli 4:37

Noneho jewe Nebukadineza nshima Umwami wo mw ijuru, ndamutazira, ndamwubaha; kukw ibikorwa vyiwe vyose ar’ ivy’ ukuri, kand’ inzira ziwe ar’ iziroranye; arikw abagendera mu bgibone ashobora kubacisha bugufi.

Matayo 5:3

ati Hahirwa aboro mu mitima yabo, kuk’ ubgami bgo mw ijuru ar’ ubgabo.

Luka 14:11

Kuk’ umuntu wese yishira hejuru azocishwa bugufi, kand’ uwicisha bugufi azoshirwa hejuru.