2 Samweli 21:16 - Bibliya Yera 1951 1967 (Burundi)

¹⁶ Maze Ishubi‐benobu, umwe wo mu bana b’Abarefa, yagomba kwica Dawidi; kand’ icumu ryiwe ryar’ iry’ umuringa ririvye shekeli amajana atatu, yari yambaye n’inkota nsha.

2 Samweli 21:16 ပူးပေါင်းရင်းမြစ်များ

Itanguriro 14:5

Nuko mu mwaka ugira icumi na kane Kedolawoma n’abami bīfatanije na we ni kwo kuza, bazingazingira Abarefa muri Ashiteroti‐karunayimu, n’Abasuzi i Hamu, n’Abemi i Shave‐kiriyatayimu,

Itanguriro 6:4

Mur’ ico gihe hār’ibigatanya mw isi, no mu gihe co hanyuma, abana b’Imana bamaze kurongora abakobga b’abantu, bakavyarana na bo abana: ni bo ba bahizi ba kera bābaye ba rurangiranwa.

2 Samweli 21:18

Hanyuma y’ivyo hongera kuba intambara yo kurwana n’Abafilisitiya i Goba. Sibekayi Umuhushati yica Safu, umwe wo mu Barefa.

2 Samweli 21:20

Bukeye hongera kuba intambara i Gati, kandi hariy’ umuntu muremure w’ikigambati, yar’ afise indegeya ku ntoke no ku mano: intoke n’amano vyose na vyose vyari mirongwibiri na bine; kandi na we yar’ umwe wo mu Barefa.

2 Samweli 21:22

Abo bose ukw ari bane bar’ abo mu Barefa b’i Gati; bicwa na Dawidi n’abantu biwe.

2 Samweli 5:18

Kand’ abo Bafilisitiya bari baje, basagaza ku mwonga Refayimu.

Guharūra 13:22

Mu kudūga bari baciye i Negebu, bashika i Heburoni; Ahimani na Sheshayi na Talumayi, abākomōtse kuri Anaki, ni ho bāba. Kand’ igisagara c’i Heburoni cari kimaze imyaka ndwi cubatswe, igihe Sowani ho muri Egiputa hubakwa.

Guharūra 13:28

Mugabo, abantu baba mur’ ico gihugu n’abahizi, kand’ ibisagara vyaho bizitijwe inzitiro z’amabuye, kandi ni binini‐binini cane; eka mbere twabonyey’ Abānaki.

Gusubira mu Vyagezwe 1:28

Muti None tudūga tuja hehe? Muti Bagenzi bacu ko baturanduye imitima, ngw Abantu baho ni banini, kandi baradusumba; ngw Ibisagara vyabo ni binini, bizitijwe inzitiro z’ amabuye zigera mw ijuru; ngo Mbere babonyeyo n’Abanaki.

Gusubira mu Vyagezwe 2:10

(Kera Abemi ni bo bāba aho hantu; bār’ ihanga rikomeye, ry’abantu benshi kandi barebare, nk’ukw Abanaki bameze;

Gusubira mu Vyagezwe 2:11

bāvuga kw ar’ Abarefa nk’uko bāvuga Abanaki; arikw Abanyamowabu babita Abemi.

Gusubira mu Vyagezwe 2:21

bar’ ihanga rikomeye, ry’abantu benshi kandi barebare, nk’ukw Abanaki bameze; arik’ Uhoraho arabatikiza, Abamoni binjira igihugu cabo, begukira ahantu habo;

Gusubira mu Vyagezwe 3:11

(Kand’ uyo Ogi, umwami w’i Bashani, ni we wenyene yar’ agasigarira k’Abarefa. Uburiri bgiwe bgar’ ubg’ icuma: mbega ntibukir’ i Raba mu Bamoni no kugeza n’ubu? Uburebure bgabgo bgar’ amatambge cenda y’ukuboko uciriye mu nkokora, ubgaguke bgar’ amatambge ane, nk’ukw itambge ry’ ukuboko risanzwe rireha.)

Gusubira mu Vyagezwe 9:2

n’ abantu banini barebare, ni bo Banaki, nk’uko mubazi, kandi mwarumvise babavuga, ngo Ni nde yohagarara Abanaki imbere?

Yosuwa 11:22

Ntihagira n’umwe wo mu Banaki asigara mu gihugu c’Abisirayeli, atari bamwe‐bamwe basigaye i Gaza n’i Gati n’i Ashidodi.

Yosuwa 15:14

Maze Kalebu ahīrukana bene Anaki batatu, Sheshayi na Ahimanu na Talumayi; abo ni bo bene Anaki.

1 Samweli 17:7

Uruti rw’icumu ryiwe rwāngana n’umwaro ujishirwakw impuzu, icumu ubgaryo ryar’ iryo mu vyuma, ryari ririvye shekeli amajana atandatu; kand’ uwamutwaza inkinzo yaja imbere yiwe.