2 Samweli 21:12 - Bibliya Yera 1951 1967 (Burundi)

¹² Dawidi araheza aragenda yaka abantu b’i Yabeshi‐gileyadi amagufa ya Sauli n’aya Yonatani umuhungu wiwe, ayo bāri bārīvye mu kibuga c’i Beti‐shani, ah’ Abafilisitiya bari barayamanitse, kuri wa musi bātsinda Sauli i Gilibowa.

2 Samweli 21:12 ပူးပေါင်းရင်းမြစ်များ

2 Samweli 1:21

Yemwe misozi y’i Gilibowa, Ntihagatonde ikime kuri mwebge, canke ngo hagwe imvura, Ntihakamere imirima ngo baronkek’ umushuzo w’amashikanwa! Kuko kuri mwebge ari ho inkinzo y’umuhizi yashiburiwe, Ni yo nkinzo ya Sauli, itazosīgwa amavuta ukundi.

2 Samweli 1:6

Nya muhungu amubikiye aramwishura, ati Nariko ndihitira, nshitse ku musozi Gilibowa, ngize ntya mbona Sauli yishimikije icumu, kandi mbona asugerejwe n’imikogote n’abagendera ku mafarasi.

2 Samweli 2:4

Bukeye abantu b’i Buyuda baraza, bahimikira Dawidi bamusutsekw amavuta, ngw abe umwami w’ umuryango w’Abayuda. Bukeye babarira Dawidi, bat’ Ab’i Yabeshi‐gileyadi ni bo bāhamvye Sauli.

2 Samweli 21:11

Maze babarira Dawidi ivyo Risipa yakoze, umukobga wa Aya, incoreke Sauli yari yaragize umugore.

2 Samweli 21:13

Akūray’ ayo magufa yabo, maze bakoranya n’amagufa ya ba bandi bamanitswe.

1 Ivyo ku Ngoma 10:1

Nukw Abafilisitiya batera Abisirayeli, Abisirayeli barabahunga, bahindikirana ku musozi Gilibowa.

1 Ivyo ku Ngoma 10:12

abahizi bose barahaguruka, bakūrah’ umuvyimba wa Sauli bo n’iy’ abahungu biwe, bayijana i Yabeshi, bahamba amagufa yabo musi y’igiti c’ umweloni i Yabeshi nyene, baca barisonzesha kumara imisi ndwi.

1 Ivyo ku Ngoma 10:8

Bukeye bgaho, Abafilisitiya baje gukoba imivyimba, basanga Sauli n’abahungu biwe barambaraye ku musozi Gilibowa bapfuye.

Yosuwa 17:11

Kand’ Abamanase ibisagara bāhāwe mu bg’Abisakari no mu bg’Abasheri ni vy’ ibi: Beti‐sheyani na Ibuleyamu n’ababa i Dori n’ababa i Endori, n’ababa i Tanaki n’ababa i Megido, bo n’udusagara tugenda tuhakūkira; iyo ni yo misozi itatu ihagaze.

1 Samweli 28:4

Nukw Abafilisitiya barakorakorana, baraza basagaza i Shunemu; Sauli na we akoranya Abisirayeli bose, basagaza i Gilibowa.

1 Samweli 31:1

Nukw Abafilisitiya batera Abisirayeli, Abisirayeli barabahunga, bahindikirana ku musozi Gilibowa.

1 Samweli 31:3

Urubgamba rusugereza Sauli, abanyamiheto bamushingiriza imyampi, bamurandura umutima.

1 Samweli 31:4

Maze Sauli abarira ūmutwaje ibirwanishwa, ati Sokōra inkota, uyinsogote, zirya ntakebga zoye kunshikīra ngo zinsogote, zinshinyagurire. Arik’ ūmutwaje ibirwanishwa aranka, kuko yari yagize ubgoba bginshi. Sauli ni kwo gufata iyiwe nkota, ayīsukako.