2 Samweli 20:2 - Bibliya Yera 1951 1967 (Burundi)

² Nukw Abisirayeli bose bata Dawidi, bakondorera inyuma ya Sheba mwene Bikuri; arikw Abayuda bo bigumira ku mwami wabo, baramuherekeza kuva kuri Yorodani gushitsa i Yerusalemu.

2 Samweli 20:2 ပူးပေါင်းရင်းမြစ်များ

2 Samweli 19:15

Nuk’ umwami asubirayo, ashika kuri Yorodani; maz’ Abayuda baja i Gilugali ngo basanganire umwami, bamujabutse Yorodani.

2 Samweli 20:1

Hār’ umuntu w’umugesera yitwa Sheba, mwene Bikuri Umubenyamini; aca avuza inzamba, aravuga, ati Dawidi nta co tumwegako, nta mugabane dufise kuri mwene Isayi: yemwe Bisirayeli, hogi twitahire, umuntu wese aje i muhira!

2 Samweli 20:21

Si ko biri; ariko harih’ umuntu wo mu mugamba w’Abefurayimu yitwa Sheba mwene Bikuri, yagararije umwami Dawidi; mube ari we mutanga wenyene, mbone kubavira ku gisagara. Nya mugore yishura Yowabu, ati Nuko rero, umutwe wiwe turawurenza uruzitiro tuwugushiburire.

2 Samweli 20:3

Nuk’ umwami Dawidi ashitse i we i Yerusalemu, ajana za ncoreke ziwe yagize abagore ukw ar’ icumi, abo yari yasigaranye urugo; abashira mu nzu, abaha ababarinda; abatungiraho, ariko ntiyasubira kubarārira. Nuko baguma ngaho barindwa, barinda bapfa bameze nk’abapfakazi.

1 Abami 12:20

Maz’ Abisirayeli bose bumvise yuko Yerobowamu yagarutse, batuma kumuhamagara ngw aze mw ikoraniro ryabo; baca baramwimika, aba umwami w’Abisirayeli bose; ntihāba hakigira ūsaba ab’ inzu ya Dawidi, atar’ umuryango wa Yuda gusa.

2 Ivyo ku Ngoma 10:17

Arikw Abisirayeli baba mu bisagara vy’i Buyuda, abo bo Rehobowamu arabaganza.

Zaburi 62:9

N’ukuri abafafara ni nk’impwemu zihumetswe, kand’ abahambaye n’ibinyoma gusa: Ni bashirwa ku munzane, bazoteruka gusa; Bose hamwe bahwahutse kurusha impwemu zihumetswe.

Imigani 17:14

Gutangura imitongano ni nko kugomorora amazi, Nuko reka ibirake utarasinda.

Ivyakozwe 11:23

Na we amaze gushikayo, abonye ubuntu bg’Imana, biramunezereza, arabahanūra bose ngo bamaramaze mu mitima kwifatanya akaramata n’Umwami Yesu.