2 Samweli 19:43 - Bibliya Yera 1951 1967 (Burundi)

⁴³ Abisirayeli bishura Abayuda, bat’ Umwami tumufiseko hanini ibihetangabo cumi; kubg’ ivyo Dawidi n’uwacu kuruta mwebge. None n’iki catumye mudukēngēra, kand’ ari twebge twabatanze kugira inama yo kugarukana umwami wacu? Arikw Abayuda mu magambo yabo bāri bakarātiye kuruta Abisirayeli.

2 Samweli 19:43 ပူးပေါင်းရင်းမြစ်များ

2 Samweli 19:14

Nuk’ umwami agonda imitima y’Abayuda bose nk’ uw’ umuntu umwe; baca bamutumako ngw agaruke bo n’abantu biwe bose.

2 Samweli 19:9

Abantu bose bo mu miryango yose y’Abisirayeli baritonganya, bat’ Umwami ni we yahora aturokora, adukūra mu maboko y’abansi bacu, no mu y’Abafilisitiya; none rero yarahunze Abusalomu, ava mu gihugu.

2 Samweli 20:1

Hār’ umuntu w’umugesera yitwa Sheba, mwene Bikuri Umubenyamini; aca avuza inzamba, aravuga, ati Dawidi nta co tumwegako, nta mugabane dufise kuri mwene Isayi: yemwe Bisirayeli, hogi twitahire, umuntu wese aje i muhira!

2 Samweli 20:6

Dawidi araheza abarira Abishayi, ati Sheba mwene Bikuri agiye kutugirira nabi kuruta Abusalomu; abe ari wewe ujana ingabo zanje, umukurikirane, kugira ngo ntiyegukire ibisagara vyubakiwe inzitiro z’amabuye, akaba atujanye.

2 Samweli 5:1

Bukeye imiryango yose y’ Abisirayeli ija i Heburoni kwa Dawidi, baramubarira, bat’ Ehe rāba, tur’ akara kamwe n’amaraso amwe.

1 Abami 12:16

Maz’ Abisirayeli bose babonye yuk’ umwami yanse kubemerera, baramubarira, bati Dawidi har’ ico tumwegako? Eka nta mugabane dufise kuri mwene Isayi: yemwe Bisirayeli, hogi twitahire i muhira! Nawe Dawidi, urimenya, mwe n’umuryango wawe! Nukw Abisirayeli baritahira, basubira i wabo.

Imigani 13:10

Ubgibone butera imitongano gusa, Arik’ ubgenge bubana n’ abemera inama nziza.

Imigani 15:1

Ukwishura kwiyoroheje guhwama uburake, Arikw ijambo ribabaza rivyura ishavu.

Imigani 17:14

Gutangura imitongano ni nko kugomorora amazi, Nuko reka ibirake utarasinda.

Imigani 18:19

Uwo muvukana iy’ umukomeretseko bigora kumugarura kurusha kunesha igisagara gikomeye, Kand’ ibitāti ben’ ivyo bimeze nk’ibihindizo vyugara inzu y’igihome.

Abaroma 12:21

Ikibi coye kukunesha, yamara ikibi ukinesheshe iciza.

Galatiya 5:15

Ariko ni mwashikurana, mugatsontsomerana, mwirinde ntimuhezanye.

Galatiya 5:20

gusenga ibigirwamana, uburozi, ubgansi, intonganya, ishari, uburake, ikēba, kwitandukanya, ibice,

Galatiya 5:26

Ntitwifate uko tutari, ngo twandurutsanye, tugiriranire ishari.

Filipi 2:3

Ntimugire ico mukora kubgo gukēbana cank’ ukwifata uko mutari, ariko mwicishije bugufi, umuntu wese yiyumvire yuko mugenzi we amuruta,

Yakobo 1:20

kuk’ uburake bg’umuntu budakora ivy’ ukugororoka kw’Imana.

Abacamanza 8:1

Maz’ Abefurayimu babaza Gideyoni, bati Watubonyekw iki, cātumye utadutabaza ukija kurwana n’Abamidiyani? Baramutonganya cane.

Abacamanza 9:23

Maz’ Imana irungika impwemu mbi yo guteranya Abimeleki n’ abantu b’i Shekemu; nukw ab’i Shekemu baryaruka Abimeleki;