2 Samweli 18:9 - Bibliya Yera 1951 1967 (Burundi)

⁹ Maze Abusalomu ahubirana n’ abantu ba Dawidi, kandi yari ku nyumbu yiwe; maz’ iyo nyumbu imucāna musi y’igiti c’umweloni c’inganzamarumpu c’amashami y’ inzitane, umutwe wiwe ufatwa n’ ayo mashami, asigara yenena mu kirēre; inyumbu yagenderako na yo irakomeza iragenda.

2 Samweli 18:9 ပူးပေါင်းရင်းမြစ်များ

2 Samweli 13:29

Nukw abo basuku ba Abusalomu bagira Amunoni nk’uko Abusalomu yababariye. Maz’ abana b’umwami bose baca barabatagurika, umuntu wese asimbira ku nyumbu yiwe, barahunga.

2 Samweli 14:26

Uk’ umwaka utashe yimosha umushatsi kuko wamuremēra, ni co catuma awimosha. Kand’ iy’ awimosheje yarawugera, ukariba shekeli amajana abiri, yagezwe kuri shekeli y’umwami.

2 Samweli 17:23

Ariko Ahitofeli abonye ko batemeye inama yiwe, ashira amatandiko ku ndogoba yiwe, afata inzira ataha i muhira mu gisagara c’i wabo; araheza aroranya ivyo mu rugo rwiwe, aca yiha umugozi. Nukw arapfa, bamuhamba mu mva ya se.

2 Samweli 18:10

Maz’ umuntu arabibona, abibgira Yowabu, at’ Erega nabonye Abusalomu yenena ku giti c’umweloni.

2 Samweli 18:14

Yowabu aramwishura, ati Nta co nirirwa ndasyogoranya nawe. Araheza ajana amakobero atatu, ayamutobekeranya mu mutima, ar’ aho nyene mu mweloni akibona.

2 Samweli 18:8

kukw intambara yar’ ikwiye hose mur’ ico gihugu. Uwo musi ikibira kimira abantu benshi kuruta abishwe n’inkota.

Yobu 31:3

Mbega ntiyoba ubugesera bubīkirwa umugabitanyi, N’ivyago bibīkirwa inkozi z’ ibibi?

Imigani 20:20

Ūvuma se canke nyina Itara ryiwe rizozimirizwa mu mwiza w’umuzitanya.

Imigani 30:17

Ijisho ry’ūcokora se, Kwumvira nyina akabikēngēra, Ibikōna vyo mu mwonga bizorinogora, Ibinyakabaka bizorirya.

Yeremiya 48:44

Ūhunga ibiteye ubgoba azogwa mu rusumanyenzi; uwūrira ngw ave mu rusumanyenzi umutego uzomufata: kukw i Mowabu nzohashitsako umwaka wo kūzirwa kwabo, ni k’Uhoraho agize.

Matayo 27:5

Aterera izo ntete z’ifeza ahēra h’urusengero, aragenda, arīmanika.

Mariko 7:10

Kuko Mose yavuze, ati Wubahe so na nyoko: kand’ at’ Ūtutse se canke nyina, ntaz’ abure kwicwa.

Galatiya 3:13

Kristo yaducunguye umuvumo w’ivyagezwe, yacitse ikivume kubgacu; kuko handitswe ngw Azoba avumwe umuntu wese amanitswe ku giti:

Gusubira mu Vyagezwe 21:23

umuvyimba wiwe ntuz’ urāre kur’ ico giti, ariko ntimuze mubure kumuhamba kur’ uwo musi nyene: kuk’ ūmanitswe ku giti arik’ umuvumo w’Imana; nuko mumuhambe, kugira ngo ntimwanduze igihugu Uhoraho Imana yanyu yabahaye kw ishamvu.

Gusubira mu Vyagezwe 27:16

Abalewi bat’ Azoba avumwe, ūkēngēra se canke nyina. Abantu bose bitabirize, bati Amen.

Gusubira mu Vyagezwe 27:20

Abalewi bat’ Azoba avumwe, ūryamana na muka se, kukw aba yorosoye impuzu ya se. Abantu bose bitabirize, bati Amen.