2 Samweli 17:9 - Bibliya Yera 1951 1967 (Burundi)

⁹ Erega nk’ubu aramaze kwinyegeza mu rwobo cank’ ahandi; maze ni hagira abapfa bagitanguye kurwana, ūzovyumva wese azovuga, ati Habaye agatikizo mu bari kuri Abusalomu.

2 Samweli 17:9 ပူးပေါင်းရင်းမြစ်များ

2 Samweli 17:10

Bizotuma umuntu wese acika ivutu, naho yoba yar’ intōre afise umutima nk’uw’ intambge; kukw Abisirayeli bose basanzwe bazi so kw ar’ umuhizi, kandi n’abari kumwe na we kw ar’ abantu b’ intōre.

2 Samweli 17:8

Kand’ at’ Urazi so n’ingabo ziwe kw ar’ abahizi, kandi baramaze kuraka nk’idubu isahuriwe abana mu gahinga. Bitayeko, so n’umuntu amenyereye ivy’ intambara, ntiyopfa kurāra mu ngabo.

Yeremiya 41:9

Nukw ico cobo Ishimayeli yashiburiyemw’ imivyimba yose y’abo yishe, ikahasanga uwa Gedaliya, ni co cari cimbishije umwami Asa kubgo gutinya Bayasha umwami w’Abisirayeli. Ishimayeli mwene Netaniya acuzuza abishwe.

Yosuwa 7:5

Ab’i Hayi babīcamw’ abantu nka mirongwitatu na batandatu, barabakinagiza, babahanuye kw irembo ry’igisagara babashitsa i Shebarimu, bagenda barabīcira ku mumanuko. Maz’ imitima y’abantu ishongera mu nda zabo, icika nk’amazi;

Yosuwa 8:6

na bo bazoca badukurikira, tubahende, tubavane hafi y’igisagara, bagire ngo turabahunze nk’ubga mbere. Uko ni ko tuzogenda dusa n’ababahunga.

1 Samweli 22:1

Nuko Dawidi avayo, arahunga, aja mw isenga ry’i Adulamu. Bukeye bakuru be na bene wabo bose bavyumvise, baramanuka bamusangayo.

1 Samweli 23:22

None rero ni mugende, murushirize guhwēbūtsa, mumenye mwitegereze ah’ ikiryamo ciwe kiri, kandi n’uwoba yaramubonye uw’ ari we, kuko bambariye kw ar’ ubgenge cane.

1 Samweli 24:3

Nukw araza, ashika ku birāro vy’intama vyar’ i ruhande y’inzira, kandi hār’ isenga. Maze Sauli aryinjiramwo kwihagarika. Kandi Dawidi n’ingabo ziwe bari bicaye hirya mur’ iryo senga.