2 Samweli 16:21 - Bibliya Yera 1951 1967 (Burundi)

²¹ Ahitofeli yishura Abusalomu, ati Genda winjirane baka so b’incoreke, abo yasigaranye urugo; ni ho Abisirayeli bose bazomenya ko wacancabuye na so, abari kumwe nawe bose bagaca barema.

2 Samweli 16:21 ပူးပေါင်းရင်းမြစ်များ

Itanguriro 34:30

Maze Yakobo abarira Simeyoni na Lewi, ati Munkwegeye ibara, kuko mutumye nzinukwa na ben’ igihugu, Abanyakanani n’Abaferizi; kandi ko tur’ inkehwa, bazokwikoraniriza hamwe, bantere, mpeze ndanduke, ndanduranwe n’inzu yanje.

Itanguriro 35:22

Maze Isirayeli akiri mur’ ico gihugu, Reyubeni aragenda asambana na Biluha incoreke ya se: Isirayeli arabimenya. Nukw abahungu ba Yakobo bari cumi na babiri:

Itanguriro 38:16

Akebereza ah’ ari i ruhande y’inzira, ati Ndakwinginze, n’umpe turyamane: kukw atāmenye kw ar’umukazana wiwe. Aramwishura, ati Ni naguha ngo turyamane, urampēra iki?

Itanguriro 6:4

Mur’ ico gihe hār’ibigatanya mw isi, no mu gihe co hanyuma, abana b’Imana bamaze kurongora abakobga b’abantu, bakavyarana na bo abana: ni bo ba bahizi ba kera bābaye ba rurangiranwa.

2 Samweli 10:6

Maz’ Abamoni babonye ko bateye Dawidi akayigo, batuma ku Basiriya b’i Beti‐rehobu n’ab’i Zoba, babaha impēra ngo babahe ingabo ibihumbi mirongwibiri, bahēra n’umwami w’i Mayaka, azana ingabo igihumbi, n’iz’ i Tobu ibihumbi cumi na bibiri.

2 Samweli 12:11

Uku ni k’Uhoraho agize, ati Nzokuvyurira ivyago vyanduruka mu rugo rwawe; nzokunyaga abagore bawe ubona, mbahe umubanyi wawe, aryamane na bo ku murango.

2 Samweli 13:5

Yonadabu aramubgira, ati Genda wiryamire ku buriri bgawe, wirwaze; maze so ni yaza kurāba uko umeze, umubarire, uti Ndasavye mundungikire mushikanje Tamari, aze ampēreze utwo ntamira; uti Kand’ abironderere imbere yanje aho mbona, uti Maz’ ubgiwe abimpēreje, ni ho nobirya.

2 Samweli 15:16

Nuk’ umwami avanayo n’abo mu rugo rwiwe bose bamukondoreye inyuma; arikw asigay’ icumi bo mu ncoreke ziwe yagize abagore, ngo bazigame urugo.

2 Samweli 16:20

Maze Abusalomu abarira Ahitofeli, ati Tugīre inama: tubigenze dute?

2 Samweli 17:7

Hushayi yishura Abusalomu, at’ Ubu ho inama Ahitofeli yazanye si yo.

2 Samweli 2:7

None rero, mwigumye, mube abagabo: kuko Sauli shobuja yāpfuye, kand’ ab’ umuryango w’Abayuda banyimikishije amavuta ngo mbe umwami wabo.

2 Samweli 20:3

Nuk’ umwami Dawidi ashitse i we i Yerusalemu, ajana za ncoreke ziwe yagize abagore ukw ar’ icumi, abo yari yasigaranye urugo; abashira mu nzu, abaha ababarinda; abatungiraho, ariko ntiyasubira kubarārira. Nuko baguma ngaho barindwa, barinda bapfa bameze nk’abapfakazi.

1 Abami 11:25

Uwo na we aba umurwanizi w’Abisirayeli imisi yose Salomo yamaze ku ngoma, akora nabi nka Hadadi; yanka Abisirayeli urunuka, kand’ aganza i Siriya.

1 Abami 2:17

Aramubarira, ati Ndakwinginze, nsabira umwami Salomo, kukw adashobora kukwima, ampe Abishagi w’i Shunemu, ndamucūre.

1 Abami 2:22

Arik’ umwami Salomo yishura nyina, ati N’iki gitumye usabira Adoniya Abishagi w’i Shunemu? Erega n’umusabire n’ingoma, kukw ari mukurwanje! Mber’ uyisabire na Abiyatari umuherezi na Yowabu umwana wa Seruwiya!

Abalewi 18:8

Ntihaze hagire uwambika ubusa muka se; kukw ar’ ubgambure bga se.

Abalewi 20:11

Ūryamanye na muka se aba yambitse se ubusa: bompi ntibaze babure kwicwa: amaraso yabo ni bo azokora.

Zekariya 8:13

Nuko, nk’uko mwari mu mahanga murik’ umuvumo, yemwe ab’ inzu ya Yuda, namwe ab’ inzu ya Isirayeli, ni ko nzobakiza, mubek’ umuhezagiro; ntimutinye, arikw amaboko yanyu n’akomere.

1 Korinto 5:1

Inkuru yāmamaye hose yuko muri mwebge harih’ ubusambanyi: kand’ ubgo busambanyi butoba no mu banyamahanga, umuntu gucīkiza muka se ngw amwābīre.

1 Samweli 13:4

Abisirayeli bose bumva bavuga ko Sauli yatsinze Abafilisitiya bo mur’ izo nsago, kandi kw ari bo nyene bāsomboroje Abafilisitiya. Nukw abantu bakōndōrera kuri Sauli i Gilugali.

1 Samweli 27:12

Nuko Akishi aca yizigira Dawidi, akavuga, ati Yatumye Abisirayeli bagenzi biwe bamuzinukwa rwose; noneh’ abaye umuntu wanje gushitsa ibihe vyose.