2 Samweli 15:21 - Bibliya Yera 1951 1967 (Burundi)

²¹ Itayi yishura umwami, ati Ndahiye uguhoraho kw’Uhoraho, nawe nyene mwami wanje nyen’ ingoma, ni wewe ndahiro yanje, ah’ uzoba, mugenzi, ni ho nzoba, jewe umusavyi wawe, ar’ ugupfa ar’ ugukira.

2 Samweli 15:21 ပူးပေါင်းရင်းမြစ်များ

2 Samweli 15:22

Dawidi yishura Itayi, ati Nuko genda, ujabuke. Nuko Itayi Umunyegati arajabuka, bo n’ingabo ziwe zose n’abana bose bari kumwe na we.

2 Abami 2:2

Maze Eliya abarira Elisa, at’ Enda sigara hano, kuk’ Uhoraho antumye i Beteli. Elisa aramwishura, ati Ndahiye uguhoraho kw’Uhoraho, nawe nyene ndakurahiye, sintandukana nawe. Nuko baramanuka baja i Beteli.

2 Abami 2:4

Maze Eliya yongera kumubarira, at’ Enda rero Elisa, sigara hano, kuk’ Uhoraho antumye i Yeriko. Aramwishura, ati Ndahiye uguhoraho kw’Uhoraho, nawe nyene ndakurahiye, sintandukana nawe. Nuko baja i Yeriko.

2 Abami 2:6

Eliya yongera kumubarira, at’ Enda sigara hano, kuk’ Uhoraho antumye kuri Yorodani. Na we aramwishura, ati Ndahiye uguhoraho kw’Uhoraho, nawe nyene ndakurahiye, sintandukana nawe. Nuko bompi barajana.

2 Abami 4:30

Nyina w’uwo mwana aramubarira, ati Ndahiye uguhoraho kw’Uhoraho, nawe nyene ndakurahiye, singusiga. Nuko Elisa ava hasi, aramukurikira.

Imigani 17:17

Umukunzi akundana ibihe vyose, Kandi yavukiye kukubera nk’ uwo muvukana mu magorwa.

Imigani 18:24

Ūcuditse na benshi aba yizaniye guhenebera, Ariko har’ umukunzi yimatanya n’umuntu kurusha ūvukana na we.

Ivyakozwe 11:23

Na we amaze gushikayo, abonye ubuntu bg’Imana, biramunezereza, arabahanūra bose ngo bamaramaze mu mitima kwifatanya akaramata n’Umwami Yesu.

Ivyakozwe 21:13

Maze Paulo aratubaza, ati Mukora ibiki, kurira mundandura umutima? Siniteguye kuboherwa gusa i Yerusalemu, ariko no gupfirayo, kubg’ izina ry’Umwami Yesu.

2 Korinto 7:3

Simbivugiye kubagaya; kuko mmaze kuvuga yuko muri mu mitima yacu, ngo dupfane kandi ngo tubaneho.

1 Samweli 20:3

Dawidi aramwishura, at’ Erega so azi neza ko ngutonnyeko; ni co catumye yiyumvira, ati Yonatani ntābimenye ngo bimubabaze. Ariko vy’ukuri, ndahiye uguhoraho kw’Uhoraho, nawe nyene ndakurahiye, har’ agatambuko kamwe gusa hagati yanje n’urupfu.

1 Samweli 25:26

None rero mugenzi, nk’uk’ Uhoraho yamaho, nawe ukaba uriho, Uhoraho ni we agutesheje ngo ntuvishe amaraso, ntiwīhōre ubgawe; abansi bawe, n’abarondera kukugirira nabi, barakamera nka Nabali, mugenzi!