2 Samweli 15:11 - Bibliya Yera 1951 1967 (Burundi)

¹¹ Kand’ igihe Abusalomu yava i Yerusalemu, yajanye n’abantu amajana abiri yahamagaye, bagenda ata kindi biyumvira, ata co bazi.

2 Samweli 15:11 ပူးပေါင်းရင်းမြစ်များ

Itanguriro 20:5

Ubgiwe si we yambariye ngo ni mushiki we? Na nya mugore nyene yavuze kw ari musaza we. Ico nakoze nagikoze ata mutima undega ikibi, ata maboko yanje nanduje.

Imigani 14:15

Imburabgenge yemera ijambo ryose, Arik’ umunyamakenga agenda agavye.

Imigani 22:3

Umunyamakenga iy’ abonye ikibi kije, arīkinga, Arikw imburabgenge zikomeza inzira zikīgabura.

Matayo 10:16

Rāba mbatumye muri nk’intama mu mabingira hagati. Nuko mugire ubgenge nk’inzoka, mumere nk’inuma ata karohe.

1 Samweli 22:15

Ugira ngo ni bgo bga mbere kumusiguriza Imana? Ntibikabeho ko nokora nk’ivyo! Mugenzi, ntunshirekw ikintu nk’ico, jewe umusavyi wawe, canke ku b’inzu ya data iyo bava bakagera; kukw ata kintu na kimwe nari nzi mur’ ivyo vyose.

1 Samweli 9:13

Ni mwashika mu gisagara muca mumubona ataradūga ku mpinga y’umusozi kurīrayo; kukw abantu badashobora kurya ataraza, kukw ari we ahezagira ibimazi, maz’ abātowe bakabona kurya. Nuko rero ni mudūge: muca mumubona aka kanya.