2 Samweli 15:10 - Bibliya Yera 1951 1967 (Burundi)

¹⁰ Bukeye Abusalomu atuma abantu ngo bagende mu mpisho, bakwiragire mu miryango yose y’Abisirayeli, ngo bavuge, bati Ni mwumva ijwi ry’inzamba, muce muvuga, muti Abusalomu agiye ku ngoma i Heburoni.

2 Samweli 15:10 ပူးပေါင်းရင်းမြစ်များ

2 Samweli 13:28

Nuko Abusalomu arahava abarira abasuku biwe, ati Muje muritegereza Amunoni: ni mwabona amaze guhimba vino, nkababarira, nti Ni muzibagure Amunoni; nuko muce mumwica, ntimutinye: none si jewe nzoba ndabibabariye? Nuko mugumye imitima, mube abahizi.

2 Samweli 14:30

Ni kwo kubarira abantu biwe, ati Wa murima wa Yowabu wa sayiri, ubangikanye n’uwanje, mugende muwuturire. Nukw abantu ba Abusalomu baragenda barawuturira.

2 Samweli 15:9

Umwami aramwishura, ati Nuko genda amahoro. Nukw arahaguruka aja i Heburoni.

2 Samweli 19:10

Kandi Abusalomu na we, uwo twari twimikishije amavuta ngw atuganze, yaguye mu ntambara. None rero ko mutavuga ivyo kugarukana umwami?

2 Samweli 2:1

Hanyuma y’ivyo, Dawidi asiguza Uhoraho, ati Mbega ndūge, nimukire mu gisagara kimwe mu vy’i Buyuda? Uhoraho aramwishura, at’ Ego me dūga. Dawidi ati Nje hehe? Aramwishura, ati Ja i Heburoni.

2 Samweli 2:11

Kandi Dawidi igihe yamaze i Heburoni ar’ umwami w’umuryango w’ Abayuda, n’imyaka ndwi n’amezi atandatu.

2 Samweli 5:5

Yamaze imyaka ndwi n’amezi atandatu i Heburoni, aganza Abayuda; i Yerusalemu na ho ahamara imyaka mirongwitatu n’itatu, aganza bose Abisirayeli n’Abayuda.

1 Abami 1:11

Maze Natani abaza Batisheba nyina wa Salomo, at’ Ubgo ntiwumvise ko Adoniya umwana wa Hagita yiyimitse, kandi databuja Dawidi ata co azi?

1 Abami 1:34

maze Sadoki umuherezi n’ ūvugishwa n’Imana Natani baheze bamwimikishirizey’ amavuta, abe umwami w’Abisirayeli; maze muce muvuza inzamba, mut’ Umwami Salomo n’ahangame!

2 Abami 9:13

Baca babaduka n’ingoga, umuntu wese yikiza umutamana wiwe, bayishira musi y’ibirenge vyiwe, ah’ ahagaze hejuru ku ngazi y’amabuye; bavuza inzamba, bati Yehu ni we mwami!

1 Ivyo ku Ngoma 11:3

Uko ni kw abashingantahe bose b’Abisirayeli bāshengereye umwami i Heburoni; nuko Dawidi asezeranira na bo isezerano imbere y’ Uhoraho i Heburoni nyene; bamwimikisha amavuta ngw abe umwami w’Abisirayeli, nk’ukw ijambo ry’Uhoraho riri, iryo yavugiye muri Samweli.

1 Ivyo ku Ngoma 12:23

Iki ni co gitigiri c’imice y’ingabo zaje gushengerera Dawidi i Heburoni zitwaje ibirwanishwa, ngo zimusubize ku ngoma ya Sauli, nk’ukw ijambo ry’Uhoraho ryavuze.

1 Ivyo ku Ngoma 12:38

Abo banyentambara bose, abantu bazi gutondesha urugamba, ni bo baje i Heburoni bahūje imitima, bazanywe no kwimika Dawidi ngw abe umwami w’Abisirayeli bose; mbere n’abandi Bisirayeli bose bāri bahūje imitima ngo bimike Dawidi.