2 Samweli 14:32 - Bibliya Yera 1951 1967 (Burundi)

³² Abusalomu yishura Yowabu, ati N’uko nagutumyeko ng’uze hano ngutume ku mwami, ukanka; kwar’ ukugira ng’umumbarize icanzanye nkava i Geshuri; ut’ Iciza kwar’ uko yopfumye agumayo: none rero ndagomba kurenguka imbere y’umwami; kandi namba har’ ibigabitanyo mfise, apfume anyica.

2 Samweli 14:32 ပူးပေါင်းရင်းမြစ်များ

Itanguriro 3:12

Uwo muntu aramwishura, at’ Umugore wampaye ngo tubane, ni we yampaye ku vya ca giti, ndarya.

2 Samweli 13:37

Ariko Abusalomu we yari yahunze, aja ku mwami w’i Geshuri, Talumayi mwene Amihuri. Kandi Dawidi yamana akabonge k’umwana wiwe imisi yose.

2 Samweli 14:31

Maze Yowabu aca arahaguruka aja kwa Abusalomu, aramubaza, ati N’iki catumye abantu bawe banturirira umurima?

2 Samweli 3:3

uwa kabiri ni Kileyabu, uwo yavyaye kuri Abigayili, yahora ari muka Nabali w’i Karumeli; uwa gatatu ni Abusalomu, uwo yavyaye kuri Mayaka, umukobga wa Talumayi umwami w’i Geshuri;

Zaburi 36:2

Kuko yihema ubgiwe, K’ukugabitanya kwiwe kutazomenyekana ngo kwankwe.

Kuvayo 14:12

Iki si co twakubgira tukiri muri Egiputa, tuti Tureke, dukorere Abanyegiputa? Kukw iciza, kwar’ uko dukorera Abanyegiputa, hāko dupfira mu bugaragwa.

Kuvayo 16:3

barababarira, bat’ Uhoraho iy’ apfuma atwicira mu gihugu ca Egiputa, tucīteretse inkono z’inyama, tukirya ivyo kurya tugahāga; none mwadukūyeyo mutuzana mur’ ubu bugaragwa kugira ngw iri shengero ryose mutwicishe inzara.

Kuvayo 17:3

Abantu bahicirwa n’inyota, bidodombera Mose, bati Wadukūriye iki muri Egiputa kutwicisha inyota, twe n’abana bacu n’ibitungwa vyacu?

Imigani 28:13

Ūpfukapfuka ibigabitanyo vyiwe ntazoronka umugisha, Arik’ ūvyihana akabireka azogirirwa ikigongwe.

Yeremiya 8:12

Mbega har’ isoni bāgize, bamaze gukora ibizira? Eka nta dusoni na mba, nta n’ukumāramāra. Ni co gituma bazotembana n’abari ku mutembo; igihe nzobazira bazogwaho, ni jewe Uhoraho mbivuze.

Matayo 25:44

Maze na bo bazomwishura, bati Mwami, twakubonye ryari ushonje, cank’ ufise inyota, cank’ ur’ ingenzi, cank’ ugenda gusa, cank’ urwaye, cank’ uri mw ibohero, ntitwagira ico tugukorera?

Abaroma 3:19

Ariko turazi yukw ivy’ ivyagezwe bivuga vyose bibibgira abaganzwa na vyo, kugira ngw akanwa kose kazibge, kand’ abari mw isi bose babe abo gutsindwa n’urubanza imbere y’Imana:

1 Samweli 15:13

Maze Samweli ashikīra Sauli; Sauli aramubarira, at’ Uragahezagirwa n’Uhoraho! Ico Uhoraho yambariye nāgishikije.

1 Samweli 20:8

Nuko rer’ ungirire neza, jewe umusavyi wawe, kuko wansezeraniye isezerano imbere y’Uhoraho. Ariko namba har’ igicumuro mfise, n’unyiyicire ubgawe: n’iki cotuma urinda kunshīra so?