2 Samweli 14:14 - Bibliya Yera 1951 1967 (Burundi)

¹⁴ Erega twese tuzopfa, tumeze nk’amazi asēseka ntayorwe. Mbere n’Imana ntiyiciraho, arikw irondera uburyo kugira ng’ uwaciwe ntaz’ arinde apfa akir’ igicibga.

2 Samweli 14:14 ပူးပေါင်းရင်းမြစ်များ

2 Samweli 11:25

Maze Dawidi yishura iyo ntumwa, at’ Uz’ ubarire Yowabu, ut’ Ivyo ntibikubabaze, uti Kukw inkota mu kwica ipfa uwo ihubiyeko; uti None rero shimika, uvyure akanyarigabo mu kurwanya ico gisagara, ukineshe. Ukw abe ari k’umurindisha.

2 Samweli 14:15

None rero mwami wanje nyen’ ingoma, igitumye nza kukubgira iryo jambo n’ukw abantu banteye ubgoba; incoreke yawe nkavuga nti Hinge nje kwivuganira n’umwami; nti Kumbure umwami yokwemera gukora ico incoreke yiwe imusavye;

1 Abami 11:39

Ngo Nukw azotītūza uruvyaro rwa Dawidi, ngw Aruhōye ivyo, ngw Ariko s’ugushitsa ibihe vyose.

Yobu 14:14

Umuntu ni yapfa, mbeg’ azosubira kubaho? Nokwihanganiye imisi y’intambara yanje yose, Nkarorēra igihe canje co kurekurwa.

Yobu 30:23

Kuko nzi yuk’ uzonshitsa mu rupfu, Ukanshitsa no mu nzu y’ ihūriro ry’abakiriho bose.

Yobu 34:15

Ivyaremwe vyose vyohonera rimwe, Abantu na bo bagasubira mu mukungugu.

Yobu 34:19

None ntibirushirije kuba ibitabereye kubibarira Īdatinya abaganwa ku kigohe, Ntikunde umutunzi kumurutisha umworo, Kuko bose ar’ igikorwa c’ intoke zayo?

Zaburi 22:14

Nsutswe nk’amazi, Amagufa yanje yose aradohotse, Umutima wanje umeze nk’ ishashara, Uyagiye hagati mu mara yanje.

Zaburi 22:15

Intege zanje zumye nk’urujo, Ururimi rwanje rufatanye n’ uruhekenyero; Kand’ unshize mu mukungugu w’urupfu.

Zaburi 58:7

Ni bakamangane nk’amazi ashēshwe; Bakigenekereza imyampi ibe nk’ibishishibano.

Zaburi 77:8

Mbeg’ imbabazi ziwe zagīriyeko rwose ruhebga? Isezerano ryiwe ryapfaniranye gushitsa ibihe vyose?

Zaburi 79:3

Amaraso yabo bayavishije impande zose z’i Yerusalemu nk’ūsēsa amazi: Ntihabonetse ūbahamba.

Zaburi 90:10

Imisi y’imyaka yacu n’imyaka mirongwirindwi, Canke naho, kubg’ intege nyinshi, yoshika kuri mirongumunani, Yamar’ ivyiratwa vyayo n’ ubutame n’umubabaro, Kukw ishira vuba, natwe tukaba tugurutse.

Zaburi 90:3

Uhindura abantu umukungugu, Uvuze, uti Bana b’abantu, musubireyo.

Kuvayo 21:13

Arik’ uwobigira atavyitumye, ari jewe Imana ntumye amugwa mu maboko, nzokurangira ah’ azohungira.

Umusiguzi 9:5

Ereg’ abariho baba bazi ko bazopfa; arikw abapfuye nta co baba bakizi, kandi nta mpēra baba bakibona; kuko kwibukwa kwabo kuba kwaramaze kwibagirana.

GUCURA INTIMBA 3:31

Kuk’ Umwami Imana ata ho azota umuntu ruhebga.

EZEKIYELI 18:23

Mbega mugira ngo mpimbarwa n’uk’ umunyavyaha apfa? ni k’ Umwami Uhoraho abaza; ikimpimbara s’uko yohindukira akava mu ngeso ziwe akabaho?

Abalewi 26:40

Ariko ni bātura ibigabitanyo vyabo n’ibigabitanyo vya ba sekuruza, ari vyo bihemu vyabo, bakemera yuko kunyuranya nanje kwabo

Guharūra 35:15

Ivyo bisagara bize bibere Abisirayeli ubuhungiro, bo n’umunyamahanga n’inyambukira bari muri bo; kugira ng’ umukoracumu yishe umuntu atabigize ibigirankana, ahungireyo.

Guharūra 35:25

bakize uwo mukoracumu, bamukūre mu maboko y’ūmuhōra uwo yishe, bamusubize mu gisagara c’ubuhungiro aho yari yahungiye; az’ abe ari ho aba gushitsa ah’ umuherezi mukuru, yasutswekw amavuta yejejwe yo kumurobanura, azopfira.

Guharūra 35:28

kuko yar’ akwiye kuguma mur’ ico gisagara yabamwo c’ubuhungiro gushitsa ah’umuherezi mukuru azopfira. Arik’ umuherezi mukuru amaze gupfa, uwo mukoracumu azobona gusubira i we mw ishamvu yiwe.

Matayo 22:16

Bamutumakw abigishwa babo hamwe n’abantu ba Herode, bati Mwigisha, turazi yuk’ ur’ umunyakuri, kandi ko wigisha inzira y’Imana vy’ukuri, kandi k’udatinya umuntu n’umwe ku kigohe; kuk’ udatinya ijunja ry’abantu:

Ivyakozwe 10:34

Petero yanzika kuvuga, ati N’ukuri ni ho nkimenya yukw Imana itarobanura abantu ku butoni,

Abaroma 2:11

kukw Imana itarobanura abantu ku cubahiro.

Gusubira mu Vyagezwe 10:17

Kuk’ Uhoraho Imana yanyu ar’ Imana isumba izindi, n’Umwami asumba abandi, n’ Imana ihambaye, n’Inyabushobozi iteye ubgoba, idatinya abantu ku kigohe, itarya ingurire.

Abaheburayo 9:27

Kandi nk’ukw abantu bābīkiwe gupfa rimwe, hanyuma yaho hakaza amateka,

1 Petero 1:17

Kandi kw Iyo mwambaza muyita So ari yo icira umuntu wese urubanza rukwiranye n’ivyo yakoze itarobanuye ku cubahiro, mumare igihe co kuba inyambukīra mutinya.