2 Samweli 13:4 - Bibliya Yera 1951 1967 (Burundi)

⁴ Aramubaza, ati Mbega mwana w’umwami, k’ugenda ushira umunywera imisi yose, ntiwombgira icabiguteye? Amunoni aramwishura, ati Nagomwe Tamari mushiki wa Abusalomu mwene data.

2 Samweli 13:4 ပူးပေါင်းရင်းမြစ်များ

2 Samweli 13:3

Ariko Amunoni yar’ afise umugenzi bakundana yitwa Yonadabu mwene Shimeya, Shimeya mukuru wa Dawidi; kandi Yonadabu uwo yar’ umuntu w’incabgenge.

2 Samweli 13:5

Yonadabu aramubgira, ati Genda wiryamire ku buriri bgawe, wirwaze; maze so ni yaza kurāba uko umeze, umubarire, uti Ndasavye mundungikire mushikanje Tamari, aze ampēreze utwo ntamira; uti Kand’ abironderere imbere yanje aho mbona, uti Maz’ ubgiwe abimpēreje, ni ho nobirya.

1 Abami 21:5

Maz’ umwamikazi wiwe Yezebeli araza, aramubaza, ati N’ iki kikubabaje, ukanka kurya?

1 Abami 21:7

Umwamikazi wiwe Yezebeli aramubaza, ati None si wewe uganza igihugu c’Abisirayeli? Vyuka mufūngure, mushire umubabaro, jewe nzoguha urwo ruzabibu rwa Naboti w’i Yezireli.

Yesaya 3:9

Ishusho yo mu maso habo ni yo ibāgiriza; bērura icaha cabo nk’ab’ i Sodomu, ntibagihisha. Ubugingo bgabo buzobona ibara, kukw ari bo bīhamagariye ivyago.

Yeremiya 8:12

Mbega har’ isoni bāgize, bamaze gukora ibizira? Eka nta dusoni na mba, nta n’ukumāramāra. Ni co gituma bazotembana n’abari ku mutembo; igihe nzobazira bazogwaho, ni jewe Uhoraho mbivuze.

Abalewi 18:9

Ntihaze hagire uwambika ubusa mushiki we, ar’ uwo basangiye se canke nyina, ar’ uwo bavukana cank’ ar’ umuzanano: ntihaze hagire ūmwambika ubusa.

Abalewi 20:17

Umuntu ni yenda mushiki we, basangiye se canke nyina, bakarābana ubgambure, kizoba ar’ igihemu giteye isoni: baze barandurirwe mu maso y’ab’ ubgoko bgabo: uyo, kw azoba yambitse ubusa mushiki we, azogībgako n’ukugabitanya kwiwe.

Mika 7:3

Amaboko yabo yamogoreye gukora ibibi; umuganwa ari n’ivyo yāka, umucamanza aca ingurire, ūhambaye yenyaguza ivyifuzo bibi vyo mu mutima wiwe: uko ni ko babijishira hamwe.

Luka 12:32

Yemwe mwa busho buto, ntimutinye: kuko So bimuhimbara kubaha ubgami.