2 Samweli 13:22 - Bibliya Yera 1951 1967 (Burundi)

²² Kandi Abusalomu ntiyaba akigira ico avugana na Amunoni, ari kibi ari ciza, kuko Abusalomu yar’ agiriye Amunoni urwanko, kuko yononye mushiki we Tamari.

2 Samweli 13:22 ပူးပေါင်းရင်းမြစ်များ

Itanguriro 24:50

Labani na Betuweli baca baramwishura, bat’ Ivyo bivuye k’Uhoraho: nta kindi twoshobora kukubarira ic’ ari co cose.

Itanguriro 31:24

Mw ijoro, Imana iza kuri Labani Umwaramu mu nzozi, iramubarira, iti Wirinde, ntugire iryo ubarira Yakobo iry’ ari ryo ryose.

Itanguriro 31:29

Nari kugira ico mbakorako, arikw Imana ya so yambariye mur’ iri joro, iti Wirinde ntugire iryo ubarira Yakobo iry’ ari ryo ryose.

2 Samweli 13:21

Maz’ umwami Dawidi yumvise ivyo vyose, araraka cane.

Imigani 10:18

Ūpfukapfuka urwanko n’ umunyaminwa y’ibinyoma, Kand’ ūvuga ibirementanyo n’igipfu.

Imigani 25:9

Wītātūre na mugenzawe ubgiwe, Kandi ntumenere ibanga uwundi,

Imigani 26:24

Uwankana atuma iminwa yiwe ihendana, Kand’ abīka uburyarya imbere muri we.

Imigani 26:26

Nah’ inzigo yiwe yokwipfukapfukisha ubugunge, Ukugabitanya kwiwe kuzokwerekanirwa imbere y’ ishengero.

Umusiguzi 7:9

Ntukihutire kuraka mu mutima: kuk’ uburake bgama mu mushaha w’ibipfu.

Matayo 18:15

Mugenzawe ni yakugirira nabi, ugende umuhishuke mwiherereye; ni yakwumvira, uzoba wigaruriye mugenzawe.

Abanyefeso 4:26

Ni mwaraka ntibibakoreshe icaha: izuba ntirirenge mukiratse,

Abanyefeso 4:31

Umururazi wose no kujingitwa n’uburake no gutongana no gutukana bibavemwo, hamwe n’inzigo yose.

1 Yohana 2:11

Arik’ uwanka mwene Data wundi ari mu mwiza, kand’ agendera mu mwiza, ntazi iy’ aja, kuk’ umwiza wamuhumishije amaso.

1 Yohana 2:9

Ūvuga kw ari mu muco, akanka mwene Data wundi, aba akiri mu mwiza na bugingo n’ubu.

1 Yohana 3:10

Iki ni co kimenyekanisha abana b’Imana n’abana b’Umurwanizi: ūdakora ibigororotse wese s’uw’ Imana, cank’ ūdakunda mwene Data wundi.

1 Yohana 3:12

ntiduse na Kayini, yar’ uwa wa Mubi, akica murumuna we. Kand’ icatumye amwica n’iki? N’ukw ibikorwa vyiwe vyari bibi, ivya murumuna we bikaba vyiza.

1 Yohana 3:15

Uwanka mwene Data wundi n’umwicanyi; kandi murazi yukw ata mwicanyi yogira ubugingo budashira ngo bugume muri we.