2 Samweli 13:1 - Bibliya Yera 1951 1967 (Burundi)

¹ Hanyuma y’ivyo ivyābaye n’ibi: Abusalomu mwene Dawidi yar’ afise mushiki we mwiza w’umunyakaranga, yitwa Tamari. Bukeye Amunoni mwene Dawidi nyene aramugomwa.

2 Samweli 13:1 ပူးပေါင်းရင်းမြစ်များ

Itanguriro 29:18

Yakobo agomwa Rakeli; yishura Labani, ati Nzogukorera imyaka ndwi, uz’ umpe umwigeme wawe mutoya Rakeli.

Itanguriro 29:20

Nuko Yakobo akora imyaka ndwi kugira ngw ahabge Rakeli; imuhindukira nk’imisi mikeya, kubg’ urukundo amukunda.

Itanguriro 34:3

Ahereza umutima kuri Dina mwene Yakobo; akunda uwo mwigeme, amubarira amagambo asosa.

Itanguriro 6:2

abana b’Imana bitegereje abakobga b’abantu babona ari beza; barongora muri bo abo bitoranirije bose.

2 Samweli 11:2

Maz’ umusi ur’ izina ku mugoroba, Dawidi amaze kwibambura ku kirwa, agendagenda hejuru ku ngoro yiwe; maz’ akiri hano hejuru, aja abona umugore arikw ariyuhagira, kandi yari mwiza ateye igomwe.

2 Samweli 13:15

Maze Amunoni aca amwanka urunuka; urwanko yamwanse rwaruse urukundo yamukunda. Aramubgira, ati Hoji va hasi ugende.

2 Samweli 13:2

Amunoni atuntuzwa no kwifuza mushiki we Tamari, biranamurwaza; kuko yar’ inkumi igumije ibanga, Amunoni akamubura uburyo.

2 Samweli 14:27

Kandi Abusalomu yari yaravyaye abahungu batatu n’umukobga yitwa Tamari; yar’ umukobga mwiza w’umunyakaranga.

1 Abami 11:1

Kand’ umwami Salomo yagomwa abanyamahangakazi benshi, udashizemw’ umukobga wa Farawo yar’ asanganywe, ni bo Banyamowabukazi n’Abamonikazi n’Abanyedomukazi n’Abasidonikazi n’Abahetikazi,

1 Ivyo ku Ngoma 3:2

uwa gatatu ni Abusalomu, uwo yavyaye kuri Mayaka, umukobga wa Talumayi umwami w’i Geshuri; uwa kane ni Adoniya, uwo yavyaye kuri Hagita;

1 Ivyo ku Ngoma 3:9

Abo bose bar’ abahungu ba Dawidi, udashizemw’ abo yavyaye ku ncoreke ziwe; kandi bari bafise mushiki wabo Tamari.

Imigani 31:30

Akazuru gusa karahendana, n’ubgiza bgo ku rukoba nta co bumaze, Arik’ umugore yubaha Uhoraho ni we ashimwa.

Imigani 6:25

Ntukifuze ubgiza bgiwe mu mutima wawe, Kandi ntagufatishe kubongeka ingohe ziwe.