2 Samweli 12:17 - Bibliya Yera 1951 1967 (Burundi)

¹⁷ Abantu bakuru bo mu rugo rwiwe babibonye bamuhagarara i ruhande, ngo bamuvyure ave hasi, aranka, yanka no kuja aho bari ngw afūngure.

2 Samweli 12:17 ပူးပေါင်းရင်းမြစ်များ

Itanguriro 24:2

Aburahamu abarira umubgiriza wiwe, umukuru wo mu rugo rwiwe, yabgiriza ivyo yar’ afise vyose, at’ Enda n’ushire ukuboko kwawe musi y’ikibero canje,

Itanguriro 37:35

Abahungu biwe bose n’abakobga biwe bose baza kumwirura; ariko yanka kwirurwa; ati Nzorinda mpamvya umwana wanje i kuzimu nkirira. Nuko se amuririra artyo.

2 Samweli 12:18

Maze ku musi ugira indwi uwo mwana arapfa; abantu ba Dawidi batinya kumubgira k’umwana acīkānye; bati Mbega ko twamuhanūye umwana akiriho, akanka kutwumvira, none biracura iki, ni twamubgira k’umwana acīkānye? Ubgo ntaca yiyahura?

2 Samweli 3:35

Hanyuma abantu bose baza kwinginga Dawidi ngw afūngure hakiri ku murango; ariko Dawidi ararahira, aravuga, ati Ni nagira ico ntamira izuba ritararenga, Imana iz’ ibimpanire, mbere birushirije!

Zaburi 102:4

Umutima wanje ukubiswe nk’ ubgatsi, urakabiranye: Kuko nibagira kurya igisa canje.

Daniyeli 6:18

Nuk’ umwami asubira mu ngoro yiwe, akesha ijoro adafūnguye, ata n’ivyo kumunezereza bamuzanira; ntiyaruha agoheka.

1 Samweli 28:23

Aranka, at’ Eka singomba kurya. Arikw abantu biwe bo na nya mupfumukazi baramugōbēra, arabemerera, ava hasi, yicara ku buriri.