2 Samweli 11:1 - Bibliya Yera 1951 1967 (Burundi)

¹ Nuk’ umwaka utashe, ku gacikamvura, mu gihe abami bākunda kuja mu ntambara, Dawidi agomora Yowabu n’abantu biwe n’Abisirayeli bose, bageseza Abamoni, baziguza n’i Raba. Ariko Dawidi ubgiwe yisigarira i Yerusalemu.

2 Samweli 11:1 ပူးပေါင်းရင်းမြစ်များ

2 Samweli 10:14

Maz’ Abamoni babonye Abasiriya bahunze, na bo bahunga Abishayi, bīsuka mu gisagara. Nuko Yowabu araheza areka Abamoni, asubira i Yerusalemu.

1 Abami 20:22

Hanyuma wa muvugishwa aza ku mwami w’Abisirayeli, ati Genda witegure, wiyumvire umenye uk’ uzogenza, kuko mu mwaka utaha ku gacikamvura, umwami w’i Siriya azokwongera kugutera.

1 Abami 20:26

Nuko wa mwaka utashe, ku gacikamvura Beni‐hadadi akoranya Abasiriya, aradūga aja i Afeka ngw atere Abisirayeli.

1 Ivyo ku Ngoma 20:1

Nuk’ umwaka utashe, ku gacikamvura, mu gihe abami bākunda kuja mu ntambara, Yowabu ajana ingabo, aragenda atera igihugu c’Abamoni, ashika n’i Raba, arahaziguza. Ariko Dawidi ubgiwe yisigarira i Yerusalemu. Nuko Yowabu atsinda i Raba, arahasangangura.

2 Ivyo ku Ngoma 36:10

Ku gacikamvura umwami Nebukadineza aratuma ngo bamuzane i Babuloni, bo n’ibintu vyiza‐vyiza vyo mu ngoro y’Uhoraho; yimika mukuru we Zedekiya ngw abe umwami w’i Buyuda n’i Yerusalemu.

Zaburi 60:9

Ni nde azonshikana mu gisagara kizitijwe ibikomeye? Ni nde azonshikana muri Edomu?

Umusiguzi 3:8

igihe co gukundana n’igihe co kwankana; igihe c’intambara n’igihe c’impore.

Yeremiya 49:2

None rero, ehe rāba imisi igira ize, ni k’Uhoraho agize, nzokwumvikanisha akarūru k’intambara i Raba h’Abamoni; kandi hazohinduka ibirundo vy’amasakamburira, n’ abakobga baho bazoyigizwa n’ umuriro: ni ho Isirayeli azokwiguranura, akegukira abāmwegukiye, ni k’Uhoraho agize.

Yeremiya 49:3

Boroga, Heshiboni we, kuko Hayi hanyazwe; murire, mwa bakobga b’i Raba, mukenyere amagunira: mwivugirize amarūru, mwiruke mujarajare hirya no hino mu nzitiro; kuko Malukamu kizojanwa ar’ inyagano, bo n’abaherezi baco n’abaganwa baco.

EZEKIYELI 21:20

Utoborere inzira iyo nkota ngw ije ahitwa i Raba h’ubgoko bg’Abamoni, n’iyindi ngw ije i Buyuda i Yerusalemu hazitijwe inzitiro z’ amabuye.

Amosi 1:14

Nuko nzokwanda umuriro uruzitiro rw’i Raba, utongore ingoro zaho, har’ akāyaga ku musi w’intambara, bo n’ikirura ku musi w’agashururu.

Zekariya 14:3

Maz’ Uhoraho azokwisidukira, arwane n’ayo mahanga, nk’uko yahora arwana mu ntambara.

Gusubira mu Vyagezwe 3:11

(Kand’ uyo Ogi, umwami w’i Bashani, ni we wenyene yar’ agasigarira k’Abarefa. Uburiri bgiwe bgar’ ubg’ icuma: mbega ntibukir’ i Raba mu Bamoni no kugeza n’ubu? Uburebure bgabgo bgar’ amatambge cenda y’ukuboko uciriye mu nkokora, ubgaguke bgar’ amatambge ane, nk’ukw itambge ry’ ukuboko risanzwe rireha.)

1 Samweli 18:30

Bukeye abaganwa b’Abafilisitiya baza gutera; kand’ uko bātera kwose, Dawidi yagira ibakwe kurusha abandi bantu bose ba Sauli, bituma izina ryiwe riba rurangiranwa.