2 Samweli 10:18 - Bibliya Yera 1951 1967 (Burundi)

¹⁸ Maz’ Abasiriya bahunga Abisirayeli; Dawidi yica mu Basiriya abagendera mu mikogote amajana ndwi y’intambara, n’abagendera ku mafarasi ibihumbi mirongwine, kandi yica Shobaki umugabisha w’ingabo zabo, agwaho.

2 Samweli 10:18 ပူးပေါင်းရင်းမြစ်များ

2 Samweli 10:17

Maze Dawidi abibariwe, na we akorakoranya Abisirayeli bose, bajabuka Yorodani baja i Helamu. Maz’ Abasiriya batonda urugamba bahangana na Dawidi, barwana na we.

2 Samweli 8:4

Dawidi amunyaga ingabo zigendera ku mafarasi igihumbi n’amajana ndwi, n’izigendesha amaguru ibihumbi mirongwibiri; maz’ amafarasi akwega imikogote ayacagagura ibitsi, arikw asigaza ayakwiranye n’imikogote ijana.

1 Abami 11:24

Maz’ igihe Dawidi yageseza ab’i Zoba, Rezoni yakoranije abantu, yīgira umugabisha w’igitero; baraheza baja i Damasiko, babayo; na we yīgira umwami waho.

1 Ivyo ku Ngoma 19:18

Maz’ Abasiriya bahunga Abisirayeli; Dawidi yica mu Basiriya abagendera mu mikogote ibihumbi ndwi y’intambara, n’ingabo zigendesha amaguru ibihumbi mirongwine, yica na Shobaki umugabisha w’izo ngabo.

Zaburi 18:38

Narabatobekeranije, ntibabasha kuvyuka, Kandi bāguye musi y’ibirenge vyanje.

Zaburi 46:11

Uhoraho Nyen’ ingabo ari kumwe natwe, Imana ya Yakobo n’ubuhungiro bgacu. Sela.

Zaburi 68:2

Nk’uk’ umwotsi utumuka, abe ari k’ubatumura: Nk’ukw ishashara iyagira i ruhande y’umuriro Abe ari kw abanyakibi barandukira imbere y’Imana.

Abacamanza 4:2

Uhoraho abagabura mu maboko ya Yabina umwami w’i Kanani, yaba i Hasori; kand’ umugabisha w’ingabo ziwe yari Sisera, yaba i Harosheti‐ha‐goyimu.

Abacamanza 4:22

Maze haza Baraki akurikiranye Sisera; Yayeli arasohoka, aramusanganira, aramubarira, ati Ngwino nkwereke uwo urondera. Barinjirana, asanga Sisera arambaraye, yapfuye, urumambo rukineze mu mvuridahita.

Abacamanza 5:26

Atuma ukuboko, yābīra urumambo, Atuma ukw’i buryo, yābīra inyundo y’abakozi; Akubita Sisera, amumena umutwe, Aramusāvya, aramutobekeranya mu mvuridahita.