2 Samweli 1:16 - Bibliya Yera 1951 1967 (Burundi)

¹⁶ Dawidi aramubarira, at’ Amaraso yawe abe ari wewe aja ku mutwe, kukw akanwa kawe ari ko kakubereye icagirizi, nk’uko wivugiye ko wishe uwo Uhoraho yimikishije amavuta.

2 Samweli 1:16 ပူးပေါင်းရင်းမြစ်များ

2 Samweli 1:10

Nuko ndamwēgēra, ndamuhohosha, kuko nabona neza kw atagikira, ni yaramuka atemvye. Ndaheza ndamukoba igitsibo cari mu mutwe, n’umuringa wari ku kuboko; none ndabikuzaniye hano, mugenzi.

2 Samweli 16:8

Uhoraho agushubije ku mutwe amaraso yose y’ab’ inzu ya Sauli, uwo wishize mu gishingo ciwe, ukīyimika; non’ Uhoraho agabiye Abusalomu umuhungu wawe ubgo bgami; awa! Ubuyobe bgawe buragukoze, kuk’ ur’ umwicanyi!

1 Abami 2:37

Umusi wayivuyemwo, ukajabuka umugezi Kidironi, umenye neza k’ utazobura gupfa; amaraso yawe azoba ari wewe aja ku mutwe.

Yobu 15:6

Akanwa kawe ubgako ni ko kagutsindisha, si jewe; Mber’ iminwa yawe ni yo ikwagiriza.

Imigani 6:2

Uba utezwe n’amagambo yo mu kanwa kawe, Uba ufashwe n’amagambo yo mu kanwa kawe.

EZEKIYELI 18:13

akagurānira kuzohabga ay’ inyungu, akāka ibirenzeko: ben’ uyo mbega yobaho? Eka ntiyobaho: ko yoba yarakoze ivyo bizira vyose, ntiyobura gupfa; kand’ amaraso yiwe azoba kuri we.

EZEKIYELI 33:5

Yumvise ijwi ry’inzamba, ariko yakinnye ku mbūri; amaraso yiwe azoba kuri we; arikw iyaba yarumviye imbūri yokijije amagara yiwe.

Abalewi 20:16

Kand’ umugore cank’ umukobga ni yegera igitungano, akaryamana na co, muze mumwicane na co: ntibize bibure kwicwa: amaraso yavyo ni vyo azokora.

Abalewi 20:27

Umugabo cank’ umugore bahamagara imizimu, canke bakaba abamenyi, ntibaze babure kwicwa: baze babicishe amabuye; amaraso yabo ni bo azokora.

Abalewi 20:9

Umuntu wese azovuma se canke nyina ntaz’ abure kwicwa: kw azoba avumye se canke nyina, amaraso yiwe ni we azokora.

Matayo 27:25

Abantu bose baramwishura, bat’ Amaraso yiwe araba ari twebge akora n’abana bacu.

Luka 19:22

Aramubgira, ati Ndagucira urubanza ku vyakuvuye mu kanwa, wa muntu wanje mubi we. Ko war’ uzi yuko nd’ umuntu w’umuhambazi, nterura ivyo ntāhateretse, nimbura ivyo ntārimye:

Ivyakozwe 18:6

Na bo babihāririje barogose, akunkumura impuzu ziwe, arababarira, at’ Amaraso yanyu araba ari mwebge akora! Jeho ndacuna; guhēra ubu ndaja ku banyamahanga.

Ivyakozwe 20:26

Ni co gituma mbashingira intahe uyu musi ncuna, yukw amaraso ya bose atazonkora,

Abaroma 3:19

Ariko turazi yukw ivy’ ivyagezwe bivuga vyose bibibgira abaganzwa na vyo, kugira ngw akanwa kose kazibge, kand’ abari mw isi bose babe abo gutsindwa n’urubanza imbere y’Imana:

Gusubira mu Vyagezwe 19:10

kugira ngw amaraso y’abatācumuye ntaz’ avishirizwe mu gihugu canyu, ico Uhoraho Imana yanyu abahaye kw ishamvu, ayo maraso akazohava abakora.

Yosuwa 2:19

Mugabo, ūzotirimuka akava mu nzu yawe agasohoka, amaraso yiwe ni we azosubirako, natwe tweho tuzocuna; arik’ umuntu wese azoba kumwe nawe mu nzu, akagira ic’ aba, amaraso yiwe ni twebge azosubirako.

Abacamanza 9:24

kugira ngw asubirizwe mu nkōko agatikizo yatikije bene Yerubayali mirongwirindwi, kandi ngw amaraso yabo akore Abimeleki nyene kubica, akore n’abantu b’i Shekemu bāfatanije na we aho yica bene se.

1 Samweli 25:39

Bukeye Dawidi yumvise ko Nabali yapfuye, aravuga, at’ Uhoraho ashemagizwe, yambūranye, akankūrakw ibitētērwa Nabali yari yanteye, agatako jewe umusavyi wiwe akambuza gukora icaha; kand’ inabi ya Nabali Uhoraho akayimusubiza ku mutwe. Hanyuma Dawidi atuma kuri Abigayili kumuresha ngw amucūre.

1 Samweli 26:9

Ariko Dawidi yishura Abishayi, ati Ntumwice: har’ uwoshobora kubangurira ukuboko uwo Uhoraho yimikishije amavuta, ntābizire?